კომპანია „ელგრინი“ განცხადებას ავრცელებს

კომპანია „ელგრინი“ განცხადებას ავრცელებს, სადაც აღნიშნავენ რომ „ელგრინი“ საერთაშორისო კომპანიაა, რომელიც ოპერირებს ოთხ ქვეყანაში და არცერთი ქვეყნის ხელისუფლებას კომპანიაში არც ღია და არც ფარული ინტერესი არ გააჩნია.

კომპანიის განცხადებას „ინტერპრესნიუსი“ უცვლელად გთავაზობთ:

„გასულ კვირას, 13 დეკემბერს ტელეარხებმა „მთავარი“ და „ფორმულა“ სინქრონულად და კოორდინირებულად შესთავაზეს საზოგადოებას მორიგი შეგნებული ტყუილი, დეზინფორმაცია და ფეიკნიუსი კომპანია ელგრინის შესახებ.ჩვენ მანამდეც არაერთხელ მოგვისმენია პოლიტიკურად მოტივირებული, სრულიად დაუსაბუთებელი და არაკომპეტენტური კრიტიკა ჩვენი კომპანიის მიმართ, მათ შორის, ეკონომიკის ყოფილი მინისტრის, გიორგი ქობულიას მხრიდან, რომ თითქოს იმპორტირებულ ელექტროენერგიაზე დაბალ ფასებს უზრუნველყოფს რომელიმე ბიუროკრატის მოლაპარაკებების უნარი და არა თავისუფალი ბაზარი და ჯანსაღი კონკურენცია.

ჩვენ ერთი წამითაც არ ვუშვებთ, რომ "ბეიკერ მაკკენზის" პარტნიორი გიორგი ქობულია საწინააღმდეგო აზრის იყოს, მაგრამ იგი მოქმდებს შეკვეთით და დავალებით, ისევე, როგორც ზემოხსენებულ მედიასაშუალებათა რეალური მფლობელები, რომელთა პოლიტიკური ამოცანა - საქართველოს ელექტროენერგიის იმპორტის ბაზრიდან აზერბაიჯანის განდევნის გზით, ამ ბაზარზე რუსეთის მონოპოლიის აღდგენა და საქართველოს ენერგეტიკული უსაფრთხოებისა და დამოუკიდებლობისთვის განზრახ ზიანის მიყენებაა.

არ გამოვრიცხავთ, რომ პოლიტიკურთან ერთად, მათ ანგარების მოტივიც ამოძრავებდეთ, რადგან სახელმწიფო ინტერესების ზიანის ხარჯზე გამდიდრება მათი ჩვეული ხელწერაა.

და ბოლოს, „ელგრინი“ საერთაშორისო კომპანიაა, ხოლო მისი დამფუძნებლები საქართველოს და უცხო ქვეყნების მოქალაქეები არიან. კომპანია ოპერირებს ოთხ ქვეყანაში და სრული პასუხისმგებლობით ვაცხადებთ, რომ არცერთი ქვეყნის ხელისუფლებას კომპანიაში არც ღია და არც ფარული ინტერესი არ გააჩნია.

შესაბამისად, ყველა სახის ეგრედ წოდებული ინფორმაცია ამ თემასთან დაკავშირებით, ვისგანაც არ უნდა მომდინარეობდეს იგი და როგორი დახვეწილი მანიპულაციების მეშვეობითაც არ უნდა მიეწოდებოდეს ფართო აუდიტორიას, მტკნარ სიცრუეზე დაფუძნებული იაფფასიანი სპეკულაციაა და სხვა არაფერი.

ჩვენ მოვითხოვთ ტელეარხებისგან პირდაპირ ეთერს ჩვენი პოზიციის საზოგადოებისთვის წარსადგენად და მათ პოზიციაში სიცხადის შესატანად და უარის შემთხვევაში ეს იქნება პირდაპირი აღიარება, რომ მათი გადაცემები იყო შეგნებული და მიზანმიმართული ტყუილი, დეზინფორმაცია და ფეიკნიუსი”-აღნიშნავენ განცხადებაში.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან