მედია - კორონავირუსის გამო აზერბაიჯანსა და რუსეთს შორის 1-ელ მარტამდე საზღვარი იკეტება
აზერბაიჯანი 2021 წლის 1-ელ მარტამდე რუსეთთან სახმელეთო საზღვარს კეტავს, რაც დაკავშირებულია ორივე ქვეყანაში კორონავირუსით დაინფიცირებულთა რაოდენობის ზრდასთან. ამის შესახებ რუსულ მედიას მოსკოვში აზერბაიჯანის საელჩოში განუცხადეს.
„ადამიანთა რაოდენობის მკვეთრი ზრდის გამო, რომლებიც დაინფიცირებული არიან კორონავირუსით როგორც აზერბაიჯანში, ისე რუსეთში, ასევე იმის გამო, რომ ჩვენ ქვეყანაში საკარანტინე ზომები მკაცრდება, რუსეთსა და აზერბაიჯანს შორის სახმელეთო საზღვარზე მოქალაქეთა გადასვლა ჩერდება“ , - აღნიშნულია საელჩოს განცხადებაში.
