ჯანდაცვის მინისტრობის კანდიდატის ეკატერინე ტიკარაძის განცხადებით, შეუძლებელია თქმა, დღეს გარდაცვლილთა რაოდენობა რეკორდულია თუ შესაძლოა, რომ ის მომდევნო დღეებში გაუარესდეს. ამის შესახებ ტიკარაძემ ჟურნალისტებს განუცხადა.

“დღეს ისეთი შედეგები გვაქვს, როგორი სიკვდილიანობის მაჩვენებელიც 2 და 3 კვირის წინ გვქონდა. აქედან გამომდინარე, ეს არის რიცხვი, რომელზეც ჯერ არ შეგვიძლია ვთქვათ, არის თუ არა რეკორდული, თუ შესაძლოა, რომ გაუარესდეს მომდევნო დღეებში”, - განაცხადა ეკატერინე ტიკარაძემ.

ცნობისთვის, ბოლო 24 საათში საქართველოში 53 კოვიდინფიცირებული გარდაიცვალა. ინფიცირების 2904 შემთხვევა გამოვლინდა, ხოლო გამოჯანმრთელდა 4316 ადამიანი.