გიორგი გახარია - ჩვენი ქვეყანა დღეს არის შეზღუდული განვითარებაში სწორედ იმ 20%-ით, რომლითაც საქართველოს მიწა ოკუპირებულია

ჩვენი ქვეყანა დღეს არის შეზღუდული განვითარებაში სწორედ იმ 20%-ით, რომლითაც საქართველოს მიწა ოკუპირებულია, -ამის შესახებ პრემიერ-მინისტრობის კანდიდატმა გიორგი გახარიამ პარლამენტის პლენარულ სხდომაზე სიტყვით გამოსვლისას განაცხადა.

გიორგი გახარიამ ქვეყნის ოკუპაციაზე ისაუბრა და აღნიშნა, რომ რაციონალური და ქვეყნის ინტერსებზე მორგებული პოლიტიკა ქვეყნის ტერიტორიული მთლიანობის მშვიდობიანად აღდგენის ერთადერთი შესაძლებლობაა.

„გარდა იმისა, რომ ქვეყნის დემოკრატიული განვითარება, უსაფრთხოება, ადამიანების უფლებები არის საფუძველი და ფუნდამენტი ქვეყნის შემდგომი ევროპული ორიენტაციის პრაქტიკული განხორციელებისა, ოკუპაციაც ერთ-ერთი ასეთი პირობაა. ამიტომ ყველას კარგად უნდა გვესმოდეს, რომ რაციონალური და ქვეყნის ინტერსებზე მორგებული პოლიტიკა არის ერთადერთი შესაძლებლობა ქვეყნის ტერიტორიული მთლიანობის მშვიდობიანად აღდგენის. ტერიტორიული მთლიანობის აღდგენის, რომლის გარეშეც ქვეყნის განვითარება ნებისმიერი მიმართულებით შეზღუდულია.

უფრო მეტიც, როდესაც ვსაუბრობთ ოკუპაციაზე, არ ვსაუბრობთ მხოლოდ საქართველოს მიწის ოკუპაციაზე. ვსაუბრობთ ჩვენს მოქალაქეებზე, მათ რესურსზე, განვითარების შესაძლებლობაზე ნებისმიერ სფეროში და ნებისმიერ დარგში. ეკონომიკიდან დაწყებული კულტურით გაგრძელებული. ჩვენი ქვეყანა დღეს არის შეზღუდული განვითარებაში სწორედ იმ 20%-ით, რომლითაც საქართველოს მიწა ოკუპირებულია",-განაცხადა პრემიერმა.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო