სერგი კაპანაძე - აშშ-ის ელჩმა დაადასტურა სწორედ ის განწყობა, რომელზეც ოპოზიცია საუბრობს მთელი ამ პერიოდის განმავლობაში

აშშ-ის ელჩმა დაადასტურა სწორედ ის განწყობა, რომელზეც ოპოზიცია საუბრობს მთელი ამ პერიოდის განმავლობაში,- ამის შესახებ „ევროპული საქართველოს" ერთ-ერთმა ლიდერმა სერგი კაპანაძემ აშშ-ს ელჩის, კელი დეგნანის სატელევიზიო ინტერვიუს კომენტირებისას განაცხადა.

მისი განცხადებით, პოლიტიკური გამბედაობაა საჭირო „ქართული ოცნების" მხრიდან, რომ კრიზისი კიდევ უფრო არ გაღრმავდეს.

„ამერიკის შეერთებული შტატების ელჩმა დაადასტურა სწორედ ის განწყობა, რომელზეც ოპოზიცია საუბრობს მთელი ამ პერიოდის განმავლობაში, რომ იყო ისეთი დარღვევები, რომლებიც იყო მნიშვნელოვანი, რომ გასაჩივრების პროცესი იყო სრულიად არაადეკვატური, რომ პრაქტიკულად ინსტიტუციებმა, რომელთაც ნათელი უნდა მოეფინათ, მართლა იყო თუ არა დარღვევები, ყველა საჩივარზე თქვეს უარი და აქედან გამომდინარე არ მოგვეცა საშუალება, რომ ჩვენი სიმართლე დაგვემტკიცებინა. ეს ხდება ხოლმე ისეთ სახელმწიფოებში, სადაც ყველა ინსტიტუცია არის ერთპარტიული და ერთ ადამიანზე დაქვემდებარებული. ის შეშფოთება, რაც აშშ-ის ელჩმა გამოთქვა, რომ ამ ყველაფრის შედეგად საზოგადოებაში ჩნდება უნდობლობა არჩევნების მიმართ, არის სწორედ ის, რაზეც ჩვენ ვსაუბრობთ ამ წლების განმავლობაში და განსაკუთრებით ამ ბოლო კვირების განმავლობაში. ძალიან მნიშვნელოვანია ის, რომ ჩვენ ისევ მზად ვართ მივიღოთ მონაწილეობა მოლაპარაკებებში, იმ მიზნით, რომ სწორედ ეს ნდობა, რომელიც არჩევნების მიმართ არის დაკარგული, აღდგეს საზოგადოებაში და ჩატარდეს ახალი არჩევნები შეცვლილი წესებით, წესებით, რომლებიც გამორიცხავს იმას, რომ ისევ იყოს დარღვევები და ისევ მოხდეს ჩვენი თანამოქალაქეების არჩევანის წართმევა და მათი ნების გაყალბება. რა თქმა უნდა, პოლიტიკური გამბედაობა არის საჭირო „ქართული ოცნების" მხრიდან, რადგან მათი მხრიდან თუ არ იქნება გადადგმული ნაბიჯი, ამ კომპრომისულ წინადადებასთან დაკავშირებით, რაც ეხება ახალ არჩევნებს, მაშინ ეს კრიზისი კიდევ უფრო გაღრმავდება და სწორედ ამას მოვუწოდებთ ჩვენ ამ ბოლო დღეების განმავლობაში. მე მაქვს იმედი, რომ აშშ-ის ელჩის ეს განცხადებები და ზოგადად ქვეყანაში შექმნილი მდგომარეობა იქნება წამახალისებელი "ქართული ოცნებისთვის", რომ მიიღოს ეს გადაწყვეტილება, ამ კრიზისიდან გამოვიდეთ, ეს ერთპარტიული პარლამენტი, რომელიც რამდენიმე დღეა არსებობს, აღარ გაგრძელდეს როგორც პრაქტიკა, რომელიც რამდენიმე თვე და წელი იქნება, რადგან ეს ძალიან მძიმე იქნება ქვეყნისთვის“, - განაცხადა კაპანაძემ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით