არჩილ თალაკვაძე - საზოგადოებას დავპირდით, რომ პირველი დოკუმენტი, რომელსაც პარლამენტი დაამტკიცებდა, შეეხებოდა საგარეო პოლიტიკის პრიორიტეტებს და მნიშვნელოვანია, რომ პარლამენტი დღევანდელ სხდომაზე ამ დოკუმენტს განიხილავს

საგარეო პოლიტიკის შესახებ მომზადებული რეზოლუციის პროექტს პარლამენტის პლენარულ სხდომაზე დღეს განიხილავენ. როგორც ბიუროს სდომაზე პარლამენტის თავმჯდომარემ არჩილ თალაკვაძემ განაცხადა, რეზოლუციის პროექტში ასახულია ხალხის და სახელმწიფოს ურყევი პოლიტიკური ნება ევროპულ და ევროატლანტიკურ სტრუქტურებში ინტეგრაციასთან დაკავშირებით და მისი მიღება მნიშვნელოვანია.

„მოგეხსენებათ, ჩვენ მივეცით დაპირება ჩვენს საზოგადოებას, რომ პირველი დოკუმენტი, რომელსაც დაამტკიცებდა საქართველოს პარლამენტი, შეეხებოდა სწორედ საქართველოს საგარეო პოლიტიკის პრიორიტეტებს და ძალიან მნიშვნელოვანია, რომ საქართველოს პარლამენტი დღევანდელ სხდომაზე ამ დოკუმენტს განიხილავს. აქ არის ასახული ჩვენი ხალხის და ჩვენი სახელწმიფოს ურყევი პოლიტიკური ნება ევროპულ და ევროატლანტიკურ სტრუქტურებში ინტეგრაციასთან დაკავშირებით და რასაკვირველია ამას აქვს ძალიან დიდი მნიშვნელობა, რომ მეათე მოწვევის პარლამენტმა ეს რეზოლუცია მიიღოს,“- განაცხადა არჩილ თალაკვაძემ.

ცნობისათვის, რეზოლუციის პროექტი დღეს ევროინტეგრაციის და საგარეო საქმეთა კომიტეტეტებმა განიხილეეს. პროექტში ასახულია ქვეყნის ყველა ძირითადი საგარეო პოლიტიკური მიმართულება და პრიორიტეტი, რომელზეც მე-10 მოწვევის პარლამენტი მომდევნო ოთხი წლის განმავლობაში აპირებს მუშაობას.

რეზოლუციაში ასახულია ისეთი საგარეო პოლიტიკური პრიორიტეტები, როგორიც არის საქართველოს ოკუპირებული ტერიტორიების დეოკუპაცია, ნატო-სა და ევროკავშირში ინტეგრაცია, აშშ-თან თანამშრომლობა, ევროპის ქვეყნებთან ორმხრივი ურთიერთობების განმტკიცება, რეგიონული თანამშრომლობის გაძლიერება, კულტურული და ეკონომიკური დიპლომატია, ხალხთაშორისი კავშირები, დიასპორებთან ურთიერთობა და სხვა.

რეზოლუციაში ასევე საუბარია ისეთ ახალ პრიორიტეტებზე, როგორიცაა 2024 წელს ევროკავშირის წევრობაზე განაცხადის გაკეთება, ნატო-ს წევრობისთვის სტრატეგიული მზაობისკენ მისწრაფება, საქართველოს, როგორც დასავლეთსა და აღმოსავლეთს შორის დამაკავშირებელი რეგიონული კვანძის, როლისა და ფუნქციის განვითარება, განათლების, ციფრული, ლოგისტიკური და სავაჭრო-ეკონომიკური მიმართულებებით.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის