„ავერსის" კლინიკების ქსელის მარნეულის ფილიალში, 23 წლის ექიმი გარდაიცვალა, რომელმაც კორონავირუსი გადაიტანა
„ავერსის" კლინიკების ქსელის მარნეულის ფილიალში, 23 წლის ახალგაზრდა ექიმი გიორგი ბუაძე გარდაიცვალა. როგორც კლინიკაში აცხადებენ, ახალგაზრდამ კორონავირუსი გადაიტანა, გამოჯანმრთელდა და სამსახურში დაბრუნდა. ის მოულოდნელად კლინიკაში გარდაიცვალა.
როგორც „ინტერპრესნიუსს“ „ავერსში“ განუცხადეს, ექიმი კოვიდსასტუმროში მკურნალობდა. მას შემდეგ რაც კორონავირუსისგან განიკურნა, ის თავს კარგად გრძნობდა. როგორც „ავერსში“ აცხადებენ, უცნობია, თუ რა გახდა ექიმის გარდაცვალების მიზეზი.
შსს-ს ინფორმაციით, ფაქტზე გამოძიება სსკ-ის 115-ე მუხლითაა დაწყებული.
