მიხეილ სააკაშვილი არის “ნაციონალური მოძრაობის" ლიდერი - მის როლს ვერავინ ვერც შეამცირებს და მის ადგილს ვერც ვერავინ დაიკავებს, - ასე უპასუხა “ნაციონალური მოძრაობის“ ერთ-ერთმა ლიდერმა ზაალ უდუმაშვილმა კითხვას, ხომ არ შეასუსტებს მიხეილ სააკაშვილის როლს პარტიის ახალი თავმჯდომარე.
როგორც უდუმაშვილმა ჟურნალისტებს განუცხადა, პარტიის თავმჯდომარემ პარტია უნდა მართოს.
ამასთან, უდუმაშვილის თქმით, ახლა “ნაციონალური მოძრაობის“ ამოცანაა, მხარდამჭერთა მრავალრიცხოვანი არმია კიდევ უფრო გაიზარდოს. როგორც უდუმაშვილმა ჟურნალისტებს განუცხადა, პარტია ღია იქნება აბსოლუტრად ყველასთვის, ვისთვისაც ქვეყნის მომავალი სულ ერთი არ არის.
“ყველასთან მივალთ, ყველას გავესაუბრებით. დიახ, ჩვენი პარტიის რიგები, რაც შეიძლება მრავალრიცხოვანი უნდა გახდეს“, - აღნიშნა ზაალ უდუმაშვილმა.
“ნაციონალურმა მოძრაობამ“ პარტიის ახალ თავმჯდომარედ ნიკა მელია აირჩია.