თურქმა მეცნიერებმა შეიმუშავეს ხელსაწყო, რომელსაც კოვიდ-19-ის ვირუსის გამოვლენა ათ წამში შეუძლია. ამის შესახებ საუბარია ბილკენტის უნივერსიტეტის ვებგვერდზე გამოქვეყნებულ ინფორმაციაში.
მოწყობილობის მოქმედების პრინციპი დაფუძნებულია არა ნიმუშის რეპლიკაციაზე, არამედ ოპტიკურ მახასიათებლებზე. ტესტირებისთვის გამოიყენება ადამიანის პირის ღრუს ლორწოვანი გარსიდან აღებული ნიმუში, რომელსაც სპეციალურ ნაერთში აზავებენ და ათავსებენ ხელსაწყოში.
„პათოგენის აღმოჩენა ხდება ათი წამის განმავლობაში ფლუორესცენტული სიგნალის დინამიკური მიღებით“, - განმარტავენ მკვლევარები.
ინფორმაციის მიხედვით, კლინიკამდელი კვლევების დროს, ხელსაწყომ კორონავირუსის გამოვლენის 99 %-იანი ეფექტურობა აჩვენა.