აზერბაიჯანი მოსახლეობის ვაქცინაციას ჩინური კომპანია Sinovac Biotech-ის ვაქცინით ორშაბათიდან, 18 იანვრიდან იწყებს. ქვეყანა, პირველ ეტაპზე, ვაქცინის 4 მილიონ დოზას მიიღებს, რომელსაც ჯერ თურქეთში შეიტანენ, შემოწმების შემდეგ კი აზერბაიჯანში გაგზავნიან.
აზერბაიჯანის პრეზიდენტის თანაშემწის, შაჰმარ მოვსუმოვის თქმით, პირველ რიგში სამედიცინო სფეროს მუშაკები აიცრებიან, 1-ელი თებერვლიდან კი 65 წლის ზემოთ პირების ვაქცინაცია დაიწყება.
ცნობისათვის, აზერბაიჯანმა კორონავირუსის გამო დაწესებული საკარანტინო რეჟიმი 1 აპრილამდე გაახანგრძლივა.