აღმოსავლეთ ჩინეთში, შანდუნის პროვინციაში შახტაში ჩარჩენილი პირველი მუშა მაშველებმა 2 კვირის შემდეგ ზედაპირზე ამოიყვანეს.

BBC-ის ინფორმაციით, ბოლო 2 კვირის განმავლობაში მეშახტე 600 მეტრის სიღრმეზე იმყოფებოდა. ამ დროისთვის შახტაში კიდევ ათამდე მუშა იმყოფება. მაშველები მათ ამოყვანას ჯერჯერობით ვერ ახერხებენ.

ორი კვირის განმავლობაში, მუშებს საკვებსა და საჭირო მედიკამენტებს ვიწრო გვირაბის მეშვეობით აწვდიდნენ. შახტაში მომხდარი აფეთქების გამომწვევი მიზეზი ჯერჯერობით უცნობია.