აშშ-ის პრეზიდენტი ჯო ბაიდენი აცხადებს, რომ მისი ადმინისტრაციის მიზანია ქვეყანაში ვაქცინაცია ყოველდღიურად მინიმუმ 1.5 მილიონ ადამიანს ჩაუტარდეს.

პრეზიდენტად არჩევამდე ბაიდენი აცხადებდა, რომ მისი ინაუგურაციიდან პირველი 100 დღის განმავლობაში ქვეყანაში 100 მილიონი ადამიანი აიცრებოდა, რასაც კრიტიკა მოჰყვა.

„ჩვენ უნდა გავზარდოთ და ყოველდღიურად ვაქცინა 1.5 მილიონ ადამიანს გავუკეთოთ, ვფიქრობ, ამას შევძლებთ. დარწმუნებული ვარ სიტუაცია ზაფხულიდან გაუმჯობედება და ვირუსს მალე დავამარცხებთ. Bloomberg-ის მონაცემების მიხედვით, ამ დროისთვის აშშ-ში ვაქცინაცია 23.4 მილიონ ადამიანს ჩაუტარდა, რაც მოსახლეობის 7.14%-ს შეადგენს.