„ხალხს შია“ ამ სახელწოდებით პარლამენტთან აქცია - პერფორმანსი გაიმართა. აქციის მონაწილეებმა საკანონმდებლო ორგანოსთან ცარიელი მაცივარი მიიტანეს შემდეგი შინაარსის წარწერებით :“ხალხს შია, უფუნქციო მაცივარი“ . ისინი ამ სახით დაწესებულ შეზღუდვებს აპროტესტებენ და მათ მოხსნას მოითხოვენ.
მათი მოთხოვნაა აღდგეს საზოგადოებრივი ტრანსპორტი, გაუქმდეს „კომენდანტის საათი“ და გაიხსნას ეკონომიკა.
როგორც აქციის მონაწილეები აცხადებენ, იმ პირობებში როცა ინფიცირებულთა რაოდენობა იკლებს და 4% -ის ფარგლებშია, შეზღუდვები აუცილებლად უნდა მოიხსნას, რადგან სოციალური მდგომარეობა უკვე საგანგაშოა და ადამიანებს შიათ.
აქცია არასამთავრობო ორგანიზაცია „ერთიანი ახალგაზრდობა საქართველოსთვის“ ორგანიზებით გაიმართა.
იხილეთ ვიდეო:პარლამენტთან აქცია-პერფორმანსი სახელწოდებით "ხალხს შია" გაიმართა