გიორგი გახარია - ყველაფერს გავაკეთებთ იმისთვის, რომ ბალანსის დაცვით, ადამიანის სიცოცხლესა და ჯანმრთელობას გავუფრთხილდეთ, მაგრამ ეკონომიკაც ნელ-ნელა გავხსნათ

ჩვენ ყველაფერს გავაკეთებთ იმისთვის, რომ ობიექტურად, ბალანსის დაცვით, ადამიანის სიცოცხლესა და ჯანმრთელობას გავუფრთხილდეთ, მაგრამ ეკონომიკაც ნელ-ნელა გავხსნათ,- ამის შესახებ საქართველოს პრემიერ-მინისტრმა გიორგი გახარიამ ჟურნალისტებთან საუბრისას განაცხადა.

მისივე თქმით, დღეს ვირუსის მართვის თვალსაზრისით საკმაოდ კარგი ვითარებაა და შეიძლება ითქვას, რომ ის კონტროლს ექვემდებარება.

საქართველოს მთავრობის მეთაურმა სასწავლო პროცესის საკლასო ოთახებში გადატანის მნიშვნელობაზე გაამახვილა ყურადღება.

„უაღრესად მნიშვნელოვანია, რომ დღეს ჩვენმა ბავშვებმა დაიწყეს კლასებში განათლების მიღება, სკოლაში სიარული დაიწყეს. მე დღეს ვიყავი ზესტაფონის რაიონის სოფელ ზემო საქარაში, სადაც დასრულდა ახალი სკოლის მშენებლობა და წელს მივიდნენ ბავშვები პირველად ამ ახალაშენებულ სკოლაში. სამწუხაროდ, ამ პანდემიის გამო, მათაც ჰქონდათ წყვეტა სოფელში, თუმცა დღეს უკვე კლასებში დაიწყეს სწავლა და ეს იყო უაღრესად შთამბეჭდავი. მე მინდა ყველას ვუთხრა, რომ ჩვენ ძალიან კარგად გვესმის, რას ნიშნავს შეზღუდვები, რომლებიც დღეს საქართველოში, სამწუხაროდ, ზოგიერთ ქალაქში გვიწევს, რომ დავაწესოთ.

ძალიან კარგად მესმის, რას ნიშნავს ეს თითოეული ჩვენი ოჯახისთვის, რას ნიშნავს ბიზნესისთვის, თითოეული იმ კომპანიისთვის, რომელიც დახურულია. ჩვენ ყველაფერს გავაკეთებთ იმისთვის, რომ ობიექტურად, ბალანსის დაცვით, ადამიანის სიცოცხლესა და ჯანმრთელობას გავუფრთხილდეთ, მაგრამ ეკონომიკაც ნელ-ნელა გავხსნათ. ყველა კარგად ხედავთ, რომ ვირუსის გავრცელების თვალსაზრისით შედეგები საკმაოდ კარგი გვაქვს და ფაქტობრივად, შეგვიძლია ვთქვათ, რომ სრულად ვმართავთ დღეს ამ ვირუსს. იმერეთში დღეს სკოლასთან ერთად, მოგეხსენებათ, რომ ასევე, უაღრესად მნიშვნელოვანია ტურიზმით ეკონომიკის გამოცოცხლება და ვნახეთ დასრულების ეტაპზე მყოფ სასტუმროში, პრომეთეს მღვიმის ინფრასტრუქტურას პირდაპირ უერთდება ეს პროექტი. უაღრესად შთამბეჭდავი იყო ეს ყველაფერი და ეს სასტუმროც და ტურისტული ინფრასტრუქტურაც გაიხსნება მაისში. ჩვენ ყველაფერს გავაკეთებთ იმისთვის, რომ ქვეყანაში ამ დროისთვის პირველი ტურისტები გამოჩნდნენ,“- განაცხადა პრემიერ-მინისტრმა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს