თამარ გაბუნია - ვფიქრობთ, თებერვლის ბოლომდე გვექნება საშუალება გავხსნათ ვაქცინაციის ცენტრები და დაიწყოს 15 000-მდე სამედიცინო პერსონალის ვაქცინირება

ვფიქრობთ, რომ თებერვლის ბოლომდე გვექნება საშუალება გავხსნათ ვაქცინაციის ცენტრები და დაიწყოს 15 000-მდე სამედიცინო პერსონალის ვაქცინირება, - ამის შესახებ ჯანდაცვის მინისტრის პირველმა მოადგილემ, თამარ გაბუნიამ უწყებათაშორისი საკოორდინაციო კომისიის სხდომის შემდეგ განაცხადა.

მისივე თქმით, პირველი ვაქცინა, რომელიც ქვეყანაში ჩამოვა, Pfizer-ის იქნება და ვაქცინაცია მხოლოდ ჰოსპიტლებში ჩატარდება.

,,ვაქცინას ველოდებით უკვე მალე. ვფიქრობთ, რომ თებერვლის ბოლომდე გვექნება საშუალება გავხსნათ ვაქცინაციის ცენტრები და დაიწყოს 15 000-მდე სამედიცინო პერსონალის ვაქცინაციის პროცესი. როგორც მოგეხსენებათ, პირველი ვაქცინა, რომელიც ქვეყანაში ჩამოვა, Pfizer-ის ვაქცინა იქნება. დღეს უკვე მობილიზებულია 10 ვაქცინაციის ცენტრი და ვაქცინაცია Pfizer-ით ჩატარდება მხოლოდ ჰოსპიტლებში, რომლებსაც ექნებათ გარკვეული მოთხოვნები. რეგულირების სააგენტო განახორციელებს აქტიურ ვიზიტებს მოსამზადებლად და იმისათვის, რომ როგორც კი ვაქცინა ქვეყანაში ჩამოვა, მეორე დილიდანვე დაიწყოს ვაქცინაციის პროცესი“, - აღნიშნა თამარ გაბუნიამ.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს