მამუკა ხაზარაძე - საქართველოს ჭირდება ახალი ენერგია, ჟანგბადი, ამისთვის კი საჭიროა ის არჩევნები, რომელიც გამოხატავს მთელი ქვეყნის ნებას

"საქართველოს ჭირდება ახალი ენერგია, ჟანგბადი. ამისთვის კი საჭიროა ის არჩევნები, რომელიც გამოხატავს მთელი ქვეყნის ნებას. ჩვენ უნდა ვნახოთ საერთო წერტილი და საერთო მიზანი ჩვენი ქვეყნის გადასარჩენად“, - ამის შესახებ „ლელოს“ ლიდერმა, მამუკა ხაზარაძემ განაცხადა.

მისივე თქმით, ქვეყნის კრიზისიდან გამოყვანის ერთადერთი სწორი გამოსავალი ახალი არჩევნებია.

"როცა ქვეყანაში არის ომი პანდემიის სახით, გონიერი ხელისუფლება აკეთებს ყველა ძალის მობილიზებას და კონსოლიდაციას. მათ შორის იმ ოპოზიციური ძალებისა, რომელიც მას აკრიტიკებს. ხვალ, რომ ომი დაიწყოს, ჩვენ ხომ ყველა ერთად დავდგებით და ყველა ერთმანეთს ხელს გავუწვდით, ვიტყვით, მტერი შემოგვესია და მოდით ერთად ვებრძოლოთ მას... დღეს გარე მტერიც შემოსეული გვყავს, ქვეყანა ოკუპირებულია და ერთად არ ვდგავართ; პანდემია გვიტევს და ერთად არ ვდგავართ; ერთად დგომა, ეს არის აზრებისა და პროგრამების გაზიარება. ჯერ კიდევ მარტში შევთავაზეთ "ქართული ოცნების" მთავრობას ანტიკრიზისული გეგმა. მაგრამ მათი პოზიციაა - „მარტო მე ვიცი , შენ ოპოზიცია ხარ, ანუ შენ ხარ ჩემი მტერი“ არასწორია. უზარმაზარი ინტელექტუალური ძალა დგას მეორე მხარეს, რომლის პოლარიზება მოახდინა ამ მთავრობამ. როცა პოლიტიკაში ხარ უნდა ილაპარაკო ქვეყნის ინტერესებიდან გამომდინარე. ასეთ სიტუაციაში, ორი დაპირისპირებული მხარიდან უნდა გამოჩნდენ ადამიანები და თქვან - ომია ქვეყანაში, გვიტევს მტერი, ჯობია გავჩერდეთ და მათ ერთად შევებრძოლოთ. ვიფიქროთ, როგორ გადავარჩინოთ ხალხი. დღეს გაჯიუტებული “ქართული ოცნება“ ვერ ხვდება, რომ გვჭირდება ახალი არჩევნები, მსჯელობა და ახალ გეგმაზე შეთანხმება. ეს არის ერთადერთი სწორი გამოსავალი იმისათვის, რომ ქვეყანა გამოვიყვანოთ კრიზისიდან. მე ვარ შედეგზე ორიენტირებული ადამიანი და მე მინდა ეს ქვეყანა იყოს წარმატებული!," - აღნიშნა მამუკა ხაზარაძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)