ისრაელის ხელისუფლებამ ქვეყანაში შესვლა-გამოსვლაზე აკრძალვა კიდევ ორი კვირით - 20 თებერვლამდე გაახანგრძლივა. ამის შესახებ პრემიერ-მინისტრის კანცელარია იუწყება.
მათივე ინფორმაციით, ისრაელის დატოვება შეეძლება მხოლოდ იმ პირებს, ვინც ქვეყნის მოქალაქე არ არის და მუდმივად იქ არ ცხოვრობს, ასევე ისრაელის მოქალაქეებს, რომლებიც მუდმივად ცხოვრობენ საზღვარგარეთ და მათ, ვისთვისაც სპეციალური კომისიის მიერ გამონაკლისი იქნება დაშვებული. იგივე კომისია განიხილავს ქვეყანაში შესვლის თხოვნასაც.
საკითხების განხილვა შესაძლებელი იქნება ქვეყნის საგარეო უწყების ოფიციალურ გვერდის მეშვეობით.