„პორშე ცენტრი თბილისის“ კამპანია Soul პორშეს საერთაშორისო კონკურსის PRI-ის გამარჯვებულთა შორისაა

„პორშე ცენტრი თბილისის“ მიერ განხორციელებული კამპანია Soul, რომელიც პორშეს პირველი ელექტრო ავტომობილის Taycan-ის საქართველოში შემოსვლასთან დაკავშირებით დაგეგმეს და განახორციელეს, პორშეს საერთაშორისო კონკურსის PRI Award-ის გამარჯვებულთა შორისაა.

როგორც „ინტერპრესნიუსს“ „თეგეტა მოტორსიდან“ აცნობეს, PRI Award, იგივე Porsche Retail Impulses თავის თავში მოიაზრებს ორიგინალური, განსხვავებული და ინოვაციური იდეის დაგეგმვა-განხორციელებას.

მათივე ცნობით, კონკურსი ტარდება ცენტრალური და აღმოსავლეთ ევროპის 26 ქვეყანას შორის. 2020 წლის PRI-ში 40 კონკურსანტი მონაწილეობდა და მათ შორის Soul-ის ინსტალაციამ მეორე ადგილი აიღო.

„Soul-ის კამპანიის დაგეგმვის ამოსავალი წერტილი სწორედ მისი ინოვაციურობა იყო. გვინდოდა, ჩვენი სათქმელი, საზოგადოებისთვის, განსხვავებული გზებით მიგვეწოდებინა. PRI-ში გამარჯვება მთელს გუნდს ძალიან გაგვიხარდა. კამპანიამ, განხორციელების ეტაპზე, ლოკალურ წარმატების მიაღწია, მაგრამ მაინც განსაკუთრებულია, როდესაც ჩვენი კოლეგები ერთ-ერთ საუკეთესო კამპანიად ასახელებენ მას, ძალიან ბევრ და ძლიერ კონკურსანტებს შორის”,- განაცხადა „პორშე ცენტრი თბილისის“ მარკეტინგის მენეჯერმა თამარ ხოსროშვილმა.

ინფორმაციაში აღნიშნულია, რომ „ამ გამარჯვებას დიდი მნიშვნელობა აქვს საერთაშორისო ბაზარზე „პორშე ცენტრი თბილისისთვის“, მისი წარმოჩენისა და სამომავლო გეგმების განხორციელებისთვის“.

„მიხარია, რომ ჩვენმა გუნდმა შეძლო და საქართველოში დაგეგმილ და განხორციელებულ კამპანიას საერთაშორისო გამარჯვება მოუტანა. ეს, თავისთავად, დადებითად აისახება, ზოგადად, ქვეყანაზეც. მინდა, მადლობა გადაუხადო ყველას, ვინც კამპანიაში, ნებისმიერ ეტაპზე იყო ჩართული და თავისი წვლილი შეიტანა ამ მნიშვნელოვან საქმეში”, - აღნიშნა „პორშე ცენტრი თბილისის“ დირექტორმა პეტრე წაქაძემ.

ამასთან, კომპანიის ცნობით, “პორშე ცენტრი თბილისთან“ ერთად, ინსტალაციაზე “დოდო დიზაინის” გუნდმა იმუშავა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)