ურსულა ფონ დერ ლაიენი ევროკავშირის ქვეყნებს მოუწოდებს, უკრაინას კორონავირუსის საწინააღმდეგო ვაქცინებით დაეხმარონ

ევროკომისიის ხელმძღვანელმა ურსულა ფონ დერ ლაიენმა ევროკავშირის წევრ ქვეყნებს მოუწოდა, უკრაინას კორონავირუსის საწინააღმდეგო ვაქცინებით დაეხმარონ.

”Covax-ის წყალობით, უკრაინელი ექიმები და ექთნები მიმდინარე თვეშივე აიცრებიან. ზაფხულისთვის უკრაინაში მილიონობით სხვა დოზა ჩავა. Covax-ის გარდა, ასევე ვთხოვ ჩვენს წევრ ქვეყნებს, ვაქცინების კუთვნილი დოზების ნაწილი უკრაინას გადასცენ. პანდემიის შეჩერებას მხოლოდ მაშინ შევძლებთ, როდესაც ვირუსს ყველა ქვეყანაში შევაჩერებთ,“- განაცხადა ფონ დერ ლაიენმა.

შეგახსენებთ, უკრაინის პრეზიდენტმა ვლადიმერ ზელენსკიმ გუშინ განაცხადა, რომ ქვეყანაში კორონავირუსის საწინააღმდეგო ვაქცინაცია მიმდინარე თვეში დაიწყება. უკრაინა, რომლის მოსახლეობა, დაახლოებით, 40 მილიონს შეადგენს, Covax-ის პროგრამის ფარგლებში კორონავირუსის საწინააღმდეგო ვაქცინის 8 მილიონ დოზას ელოდება. ამასთან, ქვეყანა ჩინური ვაქცინა CoronaVac-ის 5 მილიონ დოზას მიიღებს. გასულ კვირას, უკრაინის ხელისუფლებამ განაცხადა, რომ AstraZeneca-სა და Novavax– ის მიერ შექმნილი ვაქცინების 12 მილიონი დოზის მიღებაზეც მიაღწიეს შეთანხმებას.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა