მაროკოს ქალაქ ტანგიერში ძლიერი წვიმის შედეგად მიწისქვეშ მდებარე ტანსაცმლის არალეგალური ქარხანა დაიტბორა, რასაც სულ მცირე 24 ადამიანის სიცოცხლე ემსხვერპლა, - ამის შესახებ ინფორმაციას Deutche Welle ადგილობრივ მედიაზე დაყრდნობით ავრცელებს.
მათივე ინფორმაციით, მაშველებმა დატბორილი ქარხნიდან 10 მუშის ამოყვანა შეძლეს, რომლებიც საავადმყოფოში არიან გადაყვანილები.
სამძებრო-სამაშველო სამუშაოები გრძელდება, ვინაიდან საწარმოში მუშები კიდევ არიან ჩარჩენილები, თუმცა მათი ზუსტი რაოდენობა ჯერჯერობით უცნობია.
ადგილობრივი ხელისუფლების ინფორმაციით, ინციდენტთან დაკავშირებით გამოძიება დაწყებულია.