“საქართველოს წითელი ჯვრის საზოგადოებასა“ და “საქართველოს მედიატორთა ასოციაციას” შორის ურთიერთთანამშრომლობის მემორანდუმი გაფორმდა.

როგორც „ინტერპრესნიუსს“ “საქართველოს წითელი ჯვრის საზოგადოებიდან“ აცნობეს, მემორანდუმს ხელი საქართველოს წითელი ჯვრის პრეზიდენტმა, ნათია ლოლაძემ და საქართველოს მედიატორთა ასოციაციის თავმჯდომარემ ირაკლი ყანდაშვილმა მოაწერეს.

„მემორანდუმის მიზანია, მედიაციის, როგორც დავის გადაწყვეტის ალტერნატიული მექანიზმის საქართველოში დანერგვა და პოპულარიზაციის ხელშეწყობა, მათ შორის, ერთობლივი პროექტების, ღონისძიებების, მრგვალი მაგიდის, კონფერენციებისა და სხვა აქტივობების დაგეგმვა და განხორციელება; მედიაციის პოპულარიზაციის მიზნით, ერთობლივი პუბლიკაციების შემუშავება და გამოცემა; პრო ბონო მედიაციის განხორციელება წითელი ჯვრის ბენეფიციარებისთვის.

შეხვედრაზე მხარეებმა მომავალ თანამშრომლობაზე და ერთობლივად განსახორციელებელ პროექტებზეც ისაუბრეს”, - აღნიშნულია ინფორმაციაში.