თამარ გაბუნიას განცხადებით, კოვიდგადატანილი პაციენტების კვლევის პროგრამა, სავარაუდოდ, მარტიდან ამოქმედდება

ჯანდაცვის მინისტრის მოადგილის, თამარ გაბუნიას განცხადებით, კოვიდგადატანილი პაციენტების კვლევის პროგრამა, სავარაუდოდ, მარტიდან ამოქმედდება.

როგორც გაბუნიამ კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომის შემდეგ ბრიფინგზე განაცხადა, შესაბამისი პროტოკოლით გათვალისწინებული გამოკვლევების ნაწილი საყოველთაო ჯანდაცვის პროგრამის ფარგლებში ან სრულად ფინანსდება, ან პაციენტი მის ჩატარებას მინიმალური თანაგადახდით შეძლებს.

„თებერვლის ბოლომდე ვფიქრობთ ამ დეტალების დაზუსტებას. გვაქვს კონსულტაციები კლინიკურ ჯგუფთან და ვფიქრობთ, უკვე მარტიდან იქნება შესაძლებელი ამ პროგრამის სრულად ამოქმედება. პროტოკოლით გათვალსიწინებული გამოკვლევები ნაწილობრივ იფარება საყოველთაო ხელმისაწვდომობის ფარგლებში, ამდენად, პირველადი ჯანდაცვის დონეზე თავის ოჯახის ექიმთან მისულ პაციენტს, რომელსაც გადატანილი აქვს კოვიდი, შეუძლია, ჰქონდეს წვდომა იმ გამოკვლევებზე, რომელსაც ოჯახის ექიმი ჩათვლის საჭიროდ, მინიმალური თანაგადახდით ან რიგ შემთხვებში ეს სრულად იფარება საყოველთაო პროგრამის ფარგლებში, თუმცა რაზეც საუბარია 1-ელი მარტიდან, ეს იქნება უკვე კონკრეტულად მიზნობრივი პროგრამა. ორ ჯგუფზეა საუბარი, პირველ ჯგუფში არიან პაციენტები, რომლებსაც კოვიდი მსუბუქ ფორმებში ჰქონდათ, მათ განსხვავებული მეთვალყურეობა სჭირდებათ, ხოლო მეორე ჯგუფია ის, ვისაც ჰქონდა კოვიდის მძიმე ფორმა, გაიარა რეანიმაციის კურსი. მათ კიდევ განსხვავებული მეთვალყურეობა სჭირდებათ. ამ ჯგუფის პაციენტებისთვის, ის დაწესებულებები, სადაც მათი მეთვალყურეობა მოხდება იქნება მეტად სპეციალიზირებული ტიპის, როგორიც არის ინფექციური და ის საავადამყოფოები, რომელიც უკვე დიდი ხანია ჩართულია კოვიდის მართვის პროცესში“, - განაცხადა გაბუნიამ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა