ბექა ფერაძის განცხადებით, პორტალზე რეგისტრირებული 47 მოლიდან გახსნისთვის საჭირო მოთხოვნებს 46 აკმაყოფილებს

შრომის პირობების ინსპექტირების დეპარტამენტის უფროსის, ბექა ფერაძის განცხადებით, პორტალზე რეგისტრირებული 47 მოლიდან გახსნისთვის საჭირო მოთხოვნებს 46 აკმაყოფილებს.

მისივე თქმით, გასულ შაბათ-კვირას მონიტორინგის შედეგად, ქვეყნის მასშტაბით 7 სამართალდარღვევა გამოვლინდა.

„labour.moh.gov.ge -ზე დარეგისტრირებულია 47 მოლი, 26 საცალო-საბითუმო ტიპის ობიექტი, 2 267 სკოლა და 53 ბაზარი. დღეის მდგომარეობით მოთხოვნებს 46 მოლი აკმაყოფილებს, 1-ს აქვს პრობლემები ტესტირებასთან დაკავშირებით. 26 საცალო-საბითუმო ობიექტიდან გატესტვის მოთხოვნებს 5 ვერ აკმაყოფილებს. სკოლებთან მიმართებით წარმატებით მიმდინარეობს პროცესი, 53 ბაზრიდან და ბაზრობიდან ნებართვა 52-ს მიენიჭა. ახლა გადამოწმების პროცესი მიმდინარეობს. თუ დადგინდება, რომ დარღვევის მიუხედავად ობიექტი ოპერირებას ახორციელებს, შესაბამისი რეაგირება იქნება. გასულ შაბათ-კვირას ქვეყნის მასშტაბით მონიტორინგის შედეგად 7 სამართალდარღვევა გამოვლინდა, აქედან 4 ახორციელებდა სოციალურ ღონისძიებას“,- აღნიშნა ბექა ფერაძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა