ჯანმო - გასულ კვირას კორონავირუსის ახალი შემთხვევების რაოდენობა 16%-ით, ფატალური შემთხვევების რიცხვი კი 10%-ით შემცირდა

კორონავირუსით ინფიცირების ახალი შემთხვევების რაოდენობა გასულ კვირას 16%-ით შემცირდა, ­- The Guardian-ის ინფორმაციით, ამის შესახებ ჯანდაცვის მსოფლიო ორგანიზაციის ყოველკვირეულ ანგარიშშია აღნიშნული.

მათივე ინფორმაციით, გასული კვირის განმავლობაში კოვიდ 19-ით დაღუპულთა რაოდენობა წინა კვირასთან შედარებით 10%-ით შემცირდა. კერძოდ, ორგანიზაციის მონაცემებით, გასული კვირის განმავლობაში ინფიცირების 2.7 მილიონი ახალი შემთხვევა გამოვლინდა და ვირუსს 81 000 ადამიანის სიცოცხლე ემსხვერპლა.

ჯანდაცვის გენერალურმა დირექტორმა ტედროს ადჰანომ გებრეისუსმა განაცხადა, რომ ახალი შემთხვევების რიცხვი ზედიზედ მეხუთე კვირაა მცირდება. მისი თქმით, გასულ კვირას, 4 იანვრის კვირასთან შედარებით, ინფიცირებულების რაოდენობა თითქმის განახევრდა.

”ეს გვიჩვენებს, რომ საზოგადოებრივი ჯანდაცვის ზომები მუშაობს. ახლა მთავარია, როგორ ვუპასუხებთ ამ ტენდენციას. ხანძარი არ ჩამქრალა, მაგრამ მისი ზომა შევამცირეთ. თუ ჩვენ რომელიმე ფრონტზე მასთან ბრძოლას შევაჩერებთ, ის უკან დაბრუნდება,“ - აღნიშნა ჯანმო-ს ხელმძღვანელმა.

ამასთან, ჯანდაცვის მსოფლიო ორგანიზაციის ინფორმაციით, გასული კვირის მონაცმებით, კორონავირუსის ე.წ. „ბრიტანული“ ვარიანტი მსოფლიოს 94 ქვეყანაშია დაფიქსირებული, ე.წ. „სამხრეთ აფრიკული“ ვარიანტი 46, „ბრაზილიური“ კი - 21 ქვეყანაშია გამოვლენილი.

იხილეთ ვიდეო: ჯანმო - გასულ კვირას კორონავირუსის ახალი შემთხვევების რაოდენობა 16%-ით, ფატალური შემთხვევების რიცხვი კი 10%-ით შემცირდა

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია