მოვუწოდებ „ქართულ ოცნებას", ვიდრე ჯერ კიდევ არის დრო, დაასრულეთ ეს აბსურდი და იმოქმედეთ როგორც ხელისუფლებამ, დაანებეთ თავი ნიკა მელიასთან ლექსიკაში შეჯიბრებას და გაბუსხული ბავშვებივით მოქცევას, - ამის შესახებ „ევროპული საქართველოს" ლიდერმა, დავით ბაქრაძემ „ნაციონალური მოძრაობის" ოფისში მისვლის შემდეგ განაცხადა.
მისივე თქმით, ნიკა მელიას დაკავება შეუძლებელს გახდის არათუ მიმდინარე კრიზისიდან გამოსვლას და პოლიტიკურ დიალოგს, არამედ „ძალიან მძიმე კითხვის ნიშნებს გააჩენს" მომავალი ადგილობრივი არჩევნების გარშემოც.
„ნიკა მელიას დაკავება იქნება ნაბიჯი, რომელიც მოიტანს უმძიმეს პოლიტიკურ შედეგებს, ეს იქნება შესვლა რადიკალიზაციის მორიგ ფაზაში და შეუძლებელს გახდის არათუ მიმდინარე კრიზისიდან გამოსვლას და პოლიტიკურ დიალოგს, არამედ ძალიან მძიმე კითხვის ნიშნებს გააჩენს მომავალი ადგილობრივი არჩევნების გარშემოც. მინდა მოვუწოდო „,ქართულ ოცნებას“, ვიდრე ჯერ კიდევ არის დრო, დაასრულეთ ეს აბსურდი და იმოქმედეთ როგორც ხელისუფლებამ, დაანებეთ თავი ნიკა მელიასთან ლექსიკაში შეჯიბრებას და გაბუსხული ბავშვებივით მოქცევას, თქვენ გაქვთ პასუხისმგებლობა ქვეყნის მომავლის წინაშე, რომ არ გადადგათ ნაბიჯი, რომელიც ამ ქვეყანას შეიყვანს არეულობის ახალ ტალღაში. ამიტომ, სანამ არის ამის შესაძლებლობა გაიაზრეთ საკუთარი პასუხისმგებლობა და არ გადადგათ ნაბიჯი, რომელიც პრობლემას შეუქმნის ხელისუფლებასაც და ჩვენს ქვეყანასაც", - აღნიშნა დავით ბაქრაძემ.