გიორგი ბარამიძე - ყველანაირი ცუდი სცენარის მოლოდინი გვაქვს - ჩვენ ვაპირებთ წინ დავუდგეთ ნიკა მელიას ცოცხალ, მშვიდობიან ფარად

ყველანაირი ცუდი სცენარის მოლოდინი გვაქვს - ჩვენ, ჩვენს ოფისში შეკრებილები ვაპირებთ წინ დავუდგეთ ნიკა მელია ცოცხალ, მშვიდობიან ფარად იმისათვის, რომ დავიცვათ ის, - ამის შესახებ „ნაციონალური მოძრაობის“ ერთ-ერთმა ლიდერმა გიორგი ბარამიძემ პარტიის ოფისში განაცხადა.

მისივე თქმით, ნიკა მელია დღეს განასახიერებს ყველა იმ ადამიანს, ვინც აღშფოთდა „გავრილოვების რეჟიმის“ მიერ გავრილოვის საქართველოში ჩამოყვანით.

„ჩვენ ამ არაკაცებისგან, ამ გავრილოვებისგან ყველანაირი ცუდი სცენარის მოლოდინი გვაქვს. იმ შემთხვევაში, თუკი სასამართლომაც შეასრულა პირდაპირ პუტინისგან გავრილოვის პირით შემოთვლილი ბრძანება, პრევენციის მიზნით ნიკა მელია უნდა იყოს დაკავებული. ბუნებრივია, ჩვენ, ჩვენს ოფისში შეკრებილები ვაპირებთ წინ დავუდგეთ ნიკა მელიას ცოცხალ მშვიდობიან ფარად იმისათვის, რომ დავიცვათ ის. ყველას კარგად ესმის, რომ ნიკა მელია დღეს არის სიმბოლო ანტისაოკუპაციო, ანტიგავრილოვის პროტესტისა და დღეს ის გამოარჩია რეჟიმმა, რადგანაც ის არის ამ გავრილოვების რეჟიმის მთავარი ოპონენტი, პარტიის თავმჯდომარე და პრევენციულად შემოუთვალა პუტინმა გავრილოვის პირით, რომ ის უნდა იქნას დაპატიმრებული. ჩვენ ყველაფერს გავაკეთებთ მშვიდობიანად იმისათვის, რომ არ მივცეთ ამის საშუალება. ჩვენ ამ ოფისს არ მოვცილდებით, ნიკას არ მოვცილდებით, ვიქნებით მის გვერდით და მშვიდობიანად, მაგრამ ძალიან მტკიცედ დავიცავთ მის თავისუფლებას“, - განაცხადა გიორგი ბარამიძემ.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 03.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
იურიდიული პირები პროკრედიტ ბანკში ანგარიშებს დისტანციურად გახსნიან