ცნობილი ამერიკელი რადიოწამყვანი რაშ ლიმბო 70 წლის ასაკში გარდაიცვალა.

BBC-ის ინფორმაციით, რადიოწამყვანის გარდაცვალების შესახებ მისმა მეუღლემ, ქეთრინმა ადამსმა რაშ ლიმბოს რადიო გადაცემაში, „რაშ ლიმბოს შოუში“, განაცხადა.

ცნობილია, რომ ლიმბოს ფილტვის კიბო ჰქონდა.

რადიოწამყვანი დონალდ ტრამპის ხმამაღალი მხარდამჭერი იყო. ყოფილმა პრეზიდენტმა 2020 წელს ის „თავისუფლების საპრეზიდენტო მედლით“ დააჯილდოვა.