არმაზ ახვლედიანი - სასწრაფოდ უნდა გაიმართოს ოპოზიციის და „ოცნების” მოლაპარაკებები, დაინიშნოს ტექნიკური მთავრობა ოპოზიციის თანამონაწილეობით, რომელიც უზრუნველყოფს ახალი არჩევნების გონივრულ ვადაში ჩატარებას

„ევროპული საქართველოს“ წევრის, არმაზ ახვლედიანის განაცხადებით, გიორგი გახარიას გაბედული გადადგომის შემდეგ, ნეობოლშევიკი კობახიძისა და მისი ამხანაგების ბრიფინგით, საქართველო საბჭოთა „ГКЧП”-ს ტიპის არაკონსტიტუციურ ორგანოდ გამოცხადდა.

მანვე აღნიშნა, რომ მმართველი გუნდის მიზანია, საბოლოოდ გააფორმოს ავტორიტარიზმი და ყოველგვარი ოპოზიციური აზრი ჩაახშოს.

„მაშინ “ГКЧП” დასრულდა საბჭოთა სისტემის დაშლით. ახლა საქართველოში ამ დანაშაულებრივი საგანგებო კვაზიკომიტეტის შექმნით წარმოუდგენელი ტემპით დაჩქარდა „ოცნების“ ანომალიური პოლიტიკური სისტემის დემონტაჟი!

მოვუწოდებ, დასავლეთის ელჩებს და წარმომადგენლებს, ლიეტუვას ელჩის მსგავსად, ღიად გამოხატონ სოლიდარობა დემოკრატიის იდეის გადასარჩენად მებრძოლი ქართველი ხალხის და ოპოზიციის მიმართ!

მოვუწოდებ, თანამოქალაქეებს, მტკიცედ დავიცვათ საქართველოში სამართლის უზენაესობის იდეა და მშვიდობიანი გზით სწრაფად გამოვიდეთ ამ სახიფათო ჩიხიდან.

ძალაუფლება უნდა დაუბრუნდეს ხალხს, რომელიც თავისუფალ, სამართლიან გარემოში, ახალი არჩევნების გზით, შეძლებს საქართველოში სამართლის უზენაესობის შეუქცევადი პროცესის დამკვიდრებას!

ამ მიზნით, სასწრაფოდ უნდა გაიმართოს ოპოზიციის და „ოცნების” მოლაპარაკებები და დაინიშნოს ტექნიკური მთავრობა ოპოზიციის თანამონაწილეობით, რომელიც უზრუნველყოფს ახალი არჩევნების გონივრულ ვადაში ჩატარებას“, - განაცხადა ახვლედიანმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს