გიორგი გახარიას თანამდებობიდან გადადგომის გადაწყვეტილება პირადად ჩემთვის მოულოდნელი და არასასიამოვნო იყო, - ამის შესახებ ჟურნალისტებს "ქართული ოცნების" დეპუტატმა გიორგი კახიანმა განუცხადა. კახიანის თქმით, ამ არასასიამოვნო ფაქტის მიუხედავად, უმრავლესობა არის ერთიანი და მთავრობის ფორმირება უახლოეს მომავალში მოხდება.
"როგორც თავად ბატონმა გიორგიმ განმარტა, მას ჰქონდა განსხვავებული შეხედულება სასამართლოს გადაწყვეტილების აღსრულების ვადასთან დაკავშირებით. სხვა მხრივ, ყველა გადაწყვეტილებაში უმრავლესობა მთავრობასთან იყო ერთიანი. გიორგი გახარიამ გადადგომის შესახებ გადაწყვეტილება შესაძლოა გუშინ ან დღეს მიიღო" - განუცხადა ჟურნალისტებს გიორგი კახიანმა.