პარლამენტთან დაპირისპირების დროს დაკავებული „ლელოს“ 5 წევრი გაათავისუფლეს

საქართველოს პარლამენტთან „ლელოს“ წევრების მიერ გამართულ აქციაზე დაკავებული 5 პირი გაათავისუფლეს.

როგორც "ლელოს" ერთ-ერთმა ლიდერმა საბა ბუაძემ განაცხადა ისინი სიმართლის ლაპარაკისთვის დააკავეს.

"დაგვაკავეს იმის გამო, რომ ვლაპარაკობთ სიმართლეს და პოლიტიკური კლოუნების და გროტესკული პერსონაჟების დანიშვნას ვხვდებით გულწრფელი პროტესტით", - განაცხადა ბუაძემ.

მისივე თქმით, ძალიან ახლოს არის ამ სისტემის დასასრული.

"ჩვენ დაგვაკავეს იმისათვის, რომ ძალიან ეშინიათ, რომ სადმე, სადაც ისმის სიმართლე, განსაკუთრებით, ტრაგიკომიკური ვითარების მიმართ, რომელიც დღეს არსებობს. ეს სიმართლე ძალიან ბასრად ხვდება ამ სისტემას და არაფრის გამო არ დაგვაკავეს ფაქტობრივად. ეს იყო უბრალოდ ჩვენი პროტესტი იმის გამო, რომ ირაკლი ღარიბაშვილის პრემიერად დანიშვნას ვაპროტესტებდით, გროტესკული პერსონაჟების, რომლებთანაც კარგი არაფერი არ ასოცირდება ამ ქვეყანაში. ჩვენ დაგვაკავეს იმისთვის, რომ კიდევ ერთხელ ვთქვით, რომ ამ ქვეყანაში ისეთი ადამიანების დაწინაურება, რომლებიც სამოქალაქო დაპირისპირებას უწყობენ ხელს, მშვიდად არ შევეგუებით. ეს არის ამ სისტემის პანიკის კიდევ ერთი ლუსტრაცია, ჩვენ არ გვეშინია ამის. ეს არის იმის ნათელი გამოხატულება, რომ ძალიან ახლოს არის ამ ძალიან ცუდი სისტემის დასასრული და მიუხედავად ყველაფრისა, ჩვენ გვინდა ერთადერთი რამ, რომ ეს პოლიტიკური კრიზისი გადაწყდეს მშვიდობიანად", - განაცხადა ბუაძემ.

ცნობისთვის, საქართველოს პარლამენტთან „ლელოს“ წევრების მიერ გამართულ აქციაზე პოლიციამ ხუთი პირი დააკავა. შსს-ს ინფორმაციით, დაკავება ადმინისტრაციულ სამართალდარღვევათა კოდექსის 173-ე მუხლის საფუძველზე მოხდა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს