მაკა ბოჭორიშვილი - მნიშვნელოვანია, ჩვენს სტრატეგიულ პარტნიორებს ჰქონდეთ ობიექტური სურათი ქვეყანაში მიმდინარე პროცესებზე - ეს ნიშნავს იმას, რომ სურათი უნდა ეფუძნებოდეს ფაქტებს და არა მხოლოდ აღქმებს

ძალიან მნიშვნელოვანია, რომ ჩვენს სტრატეგიულ პარტნიორებს ჰქონდეთ ობიექტური სურათი ქვეყანაში მიმდინარე პროცესების შესახებ. ეს ნიშნავს იმას, რომ სურათი უნდა ეფუძნებოდეს ფაქტებს და არა მხოლოდ აღქმებს,- ამის შესახებ ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა ლიეტუვის საგარეო ურთიერთობათა კომიტეტის თავმჯდომარესთან, ჟიგიმანტას პავილიონისთან შეხვედრის შემდეგ ქვეყანაში შექმნილ პოლიტიკურ ვითარებაზე საუბრისას განაცხადა.

როგორც ბოჭორიშვილმა აღნიშნა, ყველა პოლიტიკოსმა და პოლიტიკურმა ძალამ სახელმწიფო ინსტიტუციებს პატივი უნდა სცეს. ამასთან, პოლიტიკურ დევნასთან დაკავშირებულ კითხვაზე, ბოჭორიშვილი ამბობს, რომ ლიეტუველ კოლეგას “არ უთქვამს, რომ საქართველოში პოლიტიკური დევნაა”.

„ძალიან მნიშვნელოვანია, რომ ყველა პოლიტიკოსმა და პოლიტიკურმა ძალამ პატივი სცეს სახელმწიფოს, კანონებს. სხვანაირად ევროპულ სახელმწიფოს ვერ ავაშენებთ, თუ შევეცდებით, რომ დისკრედიტაცია გავუკეთოთ ყველა სახელმწიფო ინსტიტუტს, მოვშალოთ ყველაფერი, რაც 30 წლის განმავლობაში ვაშენეთ. ეს ვერ წაგვიყვანს შორს”,- განაცხადა ბოჭორიშვილმა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)