რუსეთში, ბოლო 24 საათის განმავლობაში, კოვიდ-19-ის 12 742 ახალი შემთხვევა დაფიქსირდა და ინფიცირებულთა საერთო რაოდენობამ 4 164 726-ს მიაღწია, - ინფორმაციას ადგილობრივი მედია ავრცელებს.
ამასთან, რუსეთში ვირუსით კიდევ 417 პაციენტი დაიღუპა და გარდაცვლილთა რიცხვი 83 293-მდე გაიზარდა.
რუსეთში, საერთო ჯამში, კოვიდ - 19-სგან 3.7 მილიონი ადამიანი გამოჯანმრთელდა. კოვიდინფიცირებული პაციენტების რაოდენობის მიხედვით, რუსეთი აშშ-ს, ინდოეთისა და ბრაზილიის შემდეგ მსოფლიოში მე-4 ადგილზეა. 20 თებერვალს ცნობილი გახდა, რომ რუსეთმა კორონავირუსის საწინააღმდეგო მესამე ვაქცინა, CoviVac-ი, დაარეგისტრირა. აქამდე ქვეყანაში ვირუსის საწინააღმდეგო 2 ვაქცინა- Sputnik V და EpiVacCorona იყო რეგისტრირებული.