ფიქრია ჩიხრაძე - ძალიან ცუდი იქნება, თუ „ნაციონალური მოძრაობის“ ოფისის შენობაზე შტურმს განახორციელებენ, ეს გააღრმავებს სამოქალაქო დაპირისპირებას

ეს იყო კატასტროფული გამოსვლა იმ ადამიანისა, რომელიც დღეს უკვე ქვეყნის ლიდერია და შეუძლია თავისი მავნე გადაწყვეტილებებით ბევრი საფრთხე გაუჩინოს ქვეყანას, - ასე აფასებს ,,ლელო საქართველოსთვის” ერთ-ერთი ლიდერი, ფიქრია ჩიხრაძე საქართველოს პრემიერ-მინისტრ ირაკლი ღარიბაშვილის პარლამენტში გაკეთებულ განცხადებებს.

მისივე თქმით, მისი ,,ნაციონალური მოძრაობის” ოფისში მისვლა ნიკა მელიასთვის სოლიდარობის გამოცხადებასთან ერთად, მეტწილად ირაკლი ღარიბაშვილის გამოსვლამ განაპირობა.

ფიქრია ჩიხრაძის განცხადებით, ,,ნაციონალური მოძრაობის” ოფისზე შტურმის განხორციელება სამოქალაქო დაპირისპირებას გააღრმავებს.

,,მე დღეს პირველად მოვედი აქ. ჩემი აქ მოსვლის განმაპირობებელი, გარდა იმისა, რომ სოლიდარობას ვუცხადებ ნიკა მელიას, გახდა ირაკლი ღარიბაშვილის გამოსვლა, რომელიც იყო სრულიად მიუღებელი. ეს იყო კატასტროფული გამოსვლა იმ ადამიანისა, რომელიც დღეს უკვე ქვეყნის ლიდერია და შეუძლია თავისი მავნე გადაწყვეტილებებით ბევრი საფრთხე გაუჩინოს ქვეყანას. ეს იქნება ძალიან ცუდი, თუ შენობაზე შტურმს განახორციელებენ და გააღრმავებს სამოქალაქო დაპირისპირებას. ჩვენი საერთაშორისო პარტნიორები საქართველოს გულშემატკივრობენ როგორც ევროატლანტიკურ სივრცეში ორიენტირებულ სახელმწიფოს. ამ ყველაფრის საწინააღმდეგო ქმედება იქნება თუკი ეს განხორციელდება. იმედი მაქვს, რომ ,,ქართულ ოცნებაში” არიან ადამიანები, რომლებიც ამას აცნობიერებენ და თუკი რაიმე გავლენა გააჩნიათ, უნდა უზრუნველყონ, რომ ასეთი გადაწყვეტილებები არ იყოს აღსრულებული”, - აღნიშნა ფიქრია ჩიხრაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი