ფიქრია ჩიხრაძე - 100 წლის წინანდელი 23 თებერვლის მემკვიდრეები არიან - მათ გაიფორმეს სამუდამო სახელად „გავრილოვები“ და 23 თებერვლის „გმირები“

ხელისუფლებამ გაიფორმა სამუდამო სახელად „გავრილოვები“ და 23 თებერვლის „გმირები“, - ასე აფასებს „ლელო საქართველოსთვის” ერთ-ერთი ლიდერი, ფიქრია ჩიხრაძე, ნიკა მელიას დაკავების ოპერაციას.

ჩიხრაძე მიუღებლად მიიჩნევს იმასაც, რომ სამართალდამცველებმა ნიკა მელიას დაკავების დროს მხუთავი აირი გაუშვეს და „შენობაში საშინელი მდგომარეობა იყო“.

„100 წლის წინანდელი 23 თებერვლის მემკვიდრეები არიან, სამწუხაროდ. თქვენ ნახეთ, რომ მხუთავი გაზი გაუშვეთ ამ დახურულ ოთახში. აქ იყვნენ ქალები, ახალგაზრდები და საშინელი მდგომარეობა იყო. მე არ ვიცი, რა ეგონათ, რას ელოდებოდნენ აქ. მათ გაიფორმეს სამუდამო სახელად „გავრილოვები“ და 23 თებერვლის „გმირები“, - განაცხადა ჩიხრაძემ.

ცნობისთვის, სპეციალური დანიშნულების რაზმმა „ნაციონალური მოძრაობის“ თავმჯდომარე ნიკა მელია დააკავა.

სამართალდამცავებმა ნიკა მელია პარტიის ოფისში, საკუთარ კაბინეტში აიყვანეს. მანამდე კი აღნიშნულ ოთახში, ისე როგორც მთლიანად პარტიის ოფისში სამართალდამცავებმა ე.წ. წიწაკის სპრეი გაუშვეს.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა