ანა დოლიძე თბილისის სააპელაციო სასამართლოს და მოსამართლე გიორგი გოგინაშვილს მიმართავს

ანა დოლიძე თბილისის სააპელაციო სასამართლოს და მოსამართლე გიორგი გოგინაშვილს მიმართავს.

როგორც დოლიძემ განაცხადა, ახლა სასამართლოს ეძლევა შანსი შეცვალოს საქართველოს ისტორია.

„მივმართავ სააპელაციო სასამართლოს და მოსამართლე გიორგი გოგინაშვილს - ცხოვრებაში შეიძლება ერთხელ მოგვეცეს შანსი, შევცვალოთ საქართველოს ისტორია, დღეს ეს შანსი გეძლევათ, არ დატოვოთ ძალაში ნიკა მელიას პატიმრობის შესახებ საქალაქო სასამართლოს გადაწყვეტილება“, - განაცხადა კანცელარიასთან ოპოზიციის მიერ გამართულ აქციაზე მოძრაობა „ხალხისთვის“ ლიდერმა ანა დოლიძემ.

მისი თქმით, ეს ისტორიული შანსია.

„მინდა პირადად მივმართო სააპელაციო სასამართლოს მოსამართლე გიორგი გოგინაშვილს, რომელსაც აწერია ნიკა მელიას აღმკვეთი ღონისძიების გადაწყვეტის საკითხი. მართალია, იუსტიციის საბჭოში მუშაობის პერიოდში ხშირად გაკრიტიკებდით, მაგრამ დღეს მსურს გთხოვოთ, გამოიყენოთ ის უდიდესი შესაძლებლობა, რომელიც ამჟამად მოგეცათ - არ დატოვოთ ძალაში ნიკა მელიას წინააღმდეგ საპატიმრო ღონისძიება. ეს ისტორიული შანსია. ფაქტობრივად, როგორც ხორავას ქუჩის მოსამართლეს, გეძლევათ შესაძლებლობა შეცვალოთ საქართველოს ისტორია,“ - აღნიშნა ანა დოლიძემ.

მოძრაობა „ხალხისთვის“ ლიდერი ასევე მიმართავს ხელისუფლებას და აცხადებს, რომ „სააპელაციო სასამართლოს ის ფანჯარა, რომელიც არის ხვალამდე ღია, გამოიყენეთ, რათა ქვეყანა დაუბრუნდეს ნორმალურ პოლიტიკურ ცხოვრებას, თავიდან ავიცილოთ პოლარიზაცია და ქვეყნის ნგრევა“.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი