ჯიმ რიში, ჯინ შაჰინი, ადამ კინზინგერი და ჯერი კონოლი - საქართველოში ყველა პოლიტიკურმა პარტიამ პროვოკაციები უნდა შეწყვიტოს და კრიზისის მშვიდობიან გადაწყვეტაზე მოილაპარაკოს
საქართველოს მთავრობის გადაწყვეტილება "ნაციონალური მოძრაობის" სათავო ოფისის ძალადობრივი დარბევისა და მისი ლიდერის, ნიკა მელიას და ათობით აქტივისტის დაპატიმრების შესახებ ძალიან შემაშფოთებელია, - ამის შესახებ ამერიკელი კონგრესმენების, ჯიმ რიშის, ჯინ შაჰინის, ადამ კინზინგერისა და ჯერი კონოლის ერთობლივ განცხადებაშია აღნიშნული.
კონგრესმენები ხელისუფლებას პოლიტიკური პატიმრების დაუყოვნებლივ გათავისუფლებისკენ მოუწოდებენ.
„საქართველოს სამართალდამცავი ძალებისა და სასამართლო სისტემის კორუმპირებული გამოყენება პოლიტიკურად მოტივირებული ქმედებების აღსასრულებლად, საფრთხეს უქმნის იმას, რაც საქართველოს დარჩა დემოკრატიისგან და ევროატლანტიკური გზისგან. მოვუწოდებთ, დაუყოვნებლივ გაათავისუფლონ ყველა პოლიტპატიმარი, მათ შორის ბატონი მელია და გიორგი რურუა. ყველა პოლიტიკურმა პარტიამ საქართველოში პროვოკაციები უნდა შეწყვიტოს და ამ კრიზისის მშვიდობიან გადაწყვეტაზე მოილაპარაკოს,“ – აღნიშნულია განცხადებაში.
v-if="article.gallery" v-html="article.gallery"
