„ნაციონალური მოძრაობის” წევრის, ლევან ხაბეიშვილის განცხადებით, ხელისუფლებასთან მოლაპარაკებას აზრი ნიკა მელიას უპირობოდ გათავისუფლების შემთხვევაში ექნება.

როგორც ხაბეიშვილი აცხადებს, „მოლაპარაკებები არ გამოვა, როცა მაგიდის მეორე მხარეს კონკრეტული ოპოზიციონერი ლიდერი მოპარულია”.

„ოპოზიცია მოლაპარაკებებისთვის, რა თქმა უნდა, მზად არის, თუმცა, როცა მაგიდის მეორე მხარეს კონკრეტული ოპოზიციონერი ლიდერი არის მოპარული, მოლაპარაკებები არ გამოვა. ამიტომ, უპირობოდ უნდა გათავისუფლდეს ნიკა მელია და ამის შემდეგ, რა თქმა უნდა, შესაძლებელი გახდება მოლაპარაკების დაწყება.

ვწუხვარ, რომ „ქართული ოცნების” გარდა მთელმა ცივილიზებულმა სამყარომ დაინახა, რომ ეს არის პოლიტიკურად მოტივირებული დევნა და რომ ასე ქვეყანა ვერ განვითარდება. ახლა მთავარია „ქართული ოცნების” გახურებულ ტვინებამდე დავიდეს ის, რომ მშვიდობაა ქვეყანაში საჭირო, აუცილებელია რიგგარეშე არჩევნები და ამასობაში, ჩვენი პოლიტიკური ლიდერი უნდა იყოს გათავისუფლებული. წინააღმდეგ შემთხვევაში, ყველანაირ მოლაპარაკებას აზრი დაეკარგება”,- განაცხადა ხაბეიშვილმა.