პარლამენტის შენობის წინ სამოქალაქო აქტივისტების პროტესტი გრძელდება. როგორც "ინტერპრესნიუსს" მოძრაობა "საქართველოსთვის" აქტივისტმა ნიკა ნარსიამ განუცხადა, ამ დროისთვის, საკანონმდებლო ორგანოს წინ სულ 12 კარავია გაშლილი. მისი თქმით, გასული დღეების მსგავსად კარავში დარჩენას ამაღამაც აპირებენ. როგორც ნარსიამ აღნიშნა, მათ პროტესტს სხვადასხვა რეგიონებიდან ჩამოსული მოქალაქეებიც შეურთდნენ.
ცნობისთვის, სამოქალაქო აქტივისტები ვადამდელი საპარლამენტო არჩევნების დანიშვნას და ნიკა მელიას და გიორგი რურუას გათავისუფლებას ითხოვენ.