დავით სერგეენკო - ინფექციური დაავადებების პრევენციისთვის ვაქცინაციაზე უფრო ეფექტური და უსაფრთხო საშუალება კაცობრიობას ჯერ არ შეუქმნია

ინფექციური დაავადებების პრევენციისთვის ვაქცინაციაზე უფრო ეფექტური და უსაფრთხო საშუალება კაცობრიობას ჯერ არ შეუქმნია - აღნიშნულ საკითხზე ნებისმიერი ინფორმაცია მხოლოდ დარგის სპეციალისტებისგან გაიზიარეთ, - აღნიშნული განცხადება პარლამენტის პლენარულ სხდომაზე პარლამენტის ვიცე-სპიკერმა დავით სერგეენკომ გააკეთა.

სერგეენკო საქართველოში კოვიდ-ინფექციის საწინააღმდეგო ვაქცინაციის დაწყებას სპეციალური განცხადებით გამოეხმაურა. მან იმედი გამოთქვა, რომ უახლოეს პერიოდში ვაქცინაციის პროცესი უფრო გაფართოვდება, რათა მოსახლეობაში კოლექტიური იმუნიტეტი შეიქმნას. სერგეენკომ ასევე გამოთქვა იმედი, რომ მიმდინარე წლის განმავლობაში კოვიდ-ინფექციაზე პირდაპირი ზემოქმედების მედიკამენტი გამოჩნდება.

“ბოლო 200 წელზე მეტი ხნის განმავლობაში, ინფექციურ დაავადებებთან ბრძოლაში კაცობრიობას არ შეუქმნია უფრო ეფექტური ტექნოლოგია, ვიდრე ეს არის ვაქცინაცია. პანდემიიდან და საკითხის მნიშვნელობიდან გამომდინარე, ვაქცინაცია ყველაზე უფრო სპეციფიური სფერი გახდა. რთულად მოსაძებნია სხვა ისეთი ინდუსტრია, რომელიც ასეთი დეტალური დაკვირვებისა და მონიტორინგის საგანია. მეორეს მხრივ, ვაქცინაცია თავისი მნიშვნელობით, თავისი შემადგენლობით საზოგადოებრივ ჯანდაცვის სფეროს გასცდა და ძალიან დიდი პოლიტიკური შემადგენელი შეიძინა. ეს ფაქტორები აუცილებლად გასათვალისწინებელია.

პირველი ჩემი თხოვნა და მოწოდებაა, რომ ვაქცინებთან დაკავშირებულ საკითხებზე ინფორმაცია მხოლოდ და მხოლოდ დარგის პროფესიონალებისგან მივიღოთ. მსოფლიოში რამდენიმე სახის ვაქცინა გამოიყენება და საქართველომ თავისი მოქალაქეებისთვის ხარისხის მაღალი თამასა დააწესა. ვაქცინა, რომელიც საქართველოში იქნება გამოყენებული, გარდა იმისა, რომ აღირებული უნდა იყოს მწარმოებელ ქვეყანაში, ასევე აღიარებული უნდა იყოს ჯანდაცვის მსოფლიო ორგანიზაციის მიერ“, - განაცხადა სერგეენკომ პარლამენტის პლენარულ სხდომაზე.

მან აქვე აღნიშნა, რომ საქართველოში შემოსული “ასტრაზენეკა“ არის ბრიტანულ-შვედური წარმოების ვაქცინა, რომლითაც აცრილია 20 მილონზე მეტი ადამიანი, მათგან 11 მილიონი გაერთიანებულ სამეფოში.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს