ევროკავშირის საბჭო ბრიუსელში დღეს გამართულ ასოცირების საბჭოს რიგით მე-6 სხდომას სოციალურ ქსელ „ტვიტერში" ეხმაურება

ევროკავშირის საბჭო ევროკავშირი-საქართველოს ასოცირების საბჭოს დღევანდელ სხდომას სოციალურ ქსელ „ტვიტერში" ეხმაურება.

„დღეს გაიმართა ევროკავშირი-საქართველოს საბჭოს სხდომა, რომელზეც განხილული იყო შემდეგი საკითხები: ევროკავშირი-საქართველოს ურთიერთობები; პოლიტიკური მედიაცია; მართლმსაჯულება და უსაფრთხოება; ეკონომიკა და ვაჭრობა,"- აღნიშნულია „ტვიტში".

ევროკავშირის საბჭო „ტვიტს" თან ურთავს ვიდეორგოლს სხდომის ძირითად შედეგებთან დაკავშირებით.

„ბრიუსელში, საგარეო საქმეთა და უსაფრთხოების პოლიტიკის საკითხებში ევროკავშირის უმაღლეს წარმომადგენლის, ჟოზეფ ბორელის თავმჯდომარეობით, გაიმართა ევროკავშირი-საქართველოს ასოცირების საბჭოს სხდომა. საქართველოს დელეგაციას ხელმძღვანელობდა საქართველოს პრემიერ-მინისტრი, ირაკლი ღარიბაშვილი. კომისიას წარმოადგენდა კომისარი ევროპული სამეზობლო პოლიტიკისა და გაფართოების საკითხებში, ოლივერ ვარჰეი. მონაწილეებმა განიხილეს ევროკავშირი-საქართველოს ურთიერთობები, მათ შორის პოლიტიკური დიალოგისა და რეფორმების, ასევე, პოლიტიკური ასოცირების, მართლმსაჯულების, თავისუფლებისა და უსაფრთხოების საკითხები. ასევე, განხილული იყო ეკონომიკური და სექტორული თანამშრომლობა, ვაჭრობასთან დაკავშირებული საკითხები, საგარეო და უსაფრთხოების პოლიტიკა და კონფლიქტის მშვიდობიანი გზით გადაჭრა,"- აღნიშნულია ვიდეორგოლში.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული