ჯანდაცვის სამინისტროსთან მოძრაობა "დროას" წევრებმა და სამოქალაქო აქტივისტებმა საპროტესტო აქცია გამართეს. მათი მთავარი მოთხოვნა აფხაზეთიდან გადმოსული მოსახლეობისთვის კარანტინის წესის გაუქმებაა. აქტივისტების განცხადებით, აფხაზეთიდან გადმოსულ მოქალაქეებს ყოველი საზღვრის კვეთისას 5-დღიანი კარანტინის გავლა უწევთ, რის გამოც პრობლემები ექმნებათ.
მოძრაობა ,,დროას” ლიდერის ელენე ხოშტარიას განცხადებით, აღნიშნული მოთხოვნით პრემიერ-მინისტრ მიმართეს, თუმცა პასუხი არ მოსვლიათ.
„საოკუპაციო ხაზზე დიდი ხანია მოქმედებს შეზღუდვა, რომელიც სასიცოცხლო პრობლემებს უქმნის იქ მცხოვრებ ჩვენს თანამოქალაქეებს. ამ მოთხოვნით ჩვენ ასევე მივმართეთ წერილით პრემიერ-მინისტრს, რომ გადახედოს ამ შეზღუდვას. ერთი საათით რომ დასჭირდეს ადამიანს აქ გადმოსვლა, 5 დღე უნდა იყოს კარანტინში, რაც ფაქტობრივად ნიშნავს მათ ჩაკეტვას და სასიცოცხლო საჭიროებების მოკლებას”, - აღნიშნა ელენე ხოშტარიამ.