ამირან გამყრელიძის განცხადებით, 27 წლის ექთანი, რომელსაც ვაქცინაციის შემდეგ სავარაუდოდ, ანაფილაქსიური რეაქცია განუვითარდა, თბილისში გადმოჰყავთ

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის განცხადებით, ახალციხის კლინიკა „იმედის“ ექთანი კატასტროფის ბრიგადას თბილისში გადმოჰყავს.

ამირან გამყრელიძის თქმით, შემთხვევის მოკვლევა სამედიცინო საქმიანობის რეგულირების სააგენტომ დაიწყო.

„დღეს, ახალციხეში, „იმედის“ კლინიკაში, რომელიც აცრებს აწარმოებს და16 პაციენტი ჰყავს აცრილი, 12:15 საათზე აიცრა ჩვენი კოლეგა, 27 წლის ქალბატონი, რომელიც როგორც ვიცი სისტემატურად იტარებდა გრიპის საწინააღმდეგო აცრას და ანამნეზში ალერგიულ რეაქციას არ აღნიშნავდა. აცრის შემდეგ მან ინტერვიუ მისცა ერთ-ერთ არხს და მოუწოდა სამედიცინო პერსონალს აცრების გააქტიურებისკენ. სამწუხაროდ, 30 წუთში განვითარდა დაუყოვნებელი რეაქცია. ჯერ არ ვიცით ეს ალერგიული რეაქცია იყო თუ სხვა ტიპის, თუმცა ექიმები გვეუბნებიან, რომ ეს ალერგიულ რეაქციას ჰგავდა. ადამიანს ადგილზე დროულად ჩაუტარდა გადაუდებელი დახმარება. ამის შემდეგ არ მოიხსნა რეაქცია და გადაყვანილი იქნა რეანიმაციულ განყოფილებაში.

მდგომარეობა სწრაფად დამძიმდა და საჭირო იქნა მისი ხელოვნურ სუნთქვაზე გადაყვანა. ამჟამად ადგილზე ჩასულია კატასტროფის მედიცინის ბრიგადა და ავადმყოფის ევაკუაცია ხდება თბილისში. მოკვლევის დასრულებამდე, ჯერჯერობით მიზეზ-შედეგობრივ კავშირებზე ვერ ვისაუბრებთ“,-განაცხადა გამყრელიძემ.

იხილეთ ვიდეო:ამირან გამყრელიძის განცხადებით, 27 წლის ექთანი, რომელსაც ვაქცინაციის შემდეგ სავარაუდოდ, ანაფილაქსიური რეაქცია განუვითარდა, თბილისში გადმოჰყავთ

გიორგი კანაშვილი - თუ ოპოზიციამ ვერ მოახერხა დამატებითი ამომრჩევლის გამოყვანა, ხოლო „ოცნებამ“ სულ მცირე იგივე რაოდენობა გამოიყვანა, რაც პირველ ტურში, შედეგი ოპოზიციისთვის  მძიმე იქნება
ქართული პრესის მიმოხილვა 28.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გაიაქტიურეთ "სილქფესტის" საშემოდგომო შეთავაზებები შეუზღუდავად
მიიღე განსაკუთრებული შეთავაზებები მხოლოდ ოფიციალური Samsung-ის შეძენისას
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა