თურქეთის პრეზიდენტი რეჯეფ თაიფ ერდოღანი მიიჩნევს, რომ რუსეთის პრეზიდენტ ვლადიმერ პუტინთან დაკავშირებით აშშ-ის პრეზიდენტ ჯო ბაიდენის მიერ გაკეთებული კომენტარი პრეზიდენტისთვის შეუფერებელია.

„ეს სიტყვები მიუღებელი და პრეზიდენტისთვის შეუფერებელია,“- აღნიშნა თურქეთის პრეზიდენტმა.

შეგახსენებთ, აშშ-ის პრეზიდენტმა ჯო ბაიდენმა განაცხადა, რომ რუსეთის პრეზიდენტი ვლადიმერ პუტინი აშშ-ის 2020 წლის საპრეზიდენტო არჩევნებში ჩარევისთვის „საფასურს გადაიხდის“. ამასთან, ჟურნალისტის კითხვაზე, მიაჩნია თუ არა, რომ ვლადიმერ პუტინი მკვლელია, ბაიდენმა უპასუხა : „დიახ.“ აღნიშნული განცხადებების საპასუხოდ მოსკოვმა აშშ-ში რუსეთის ელჩი კონსულტაციებისთვის გაიწვია.