კრწანისის ტყე - პარკში ხის დარგვისა და დასუფთავების აქცია გაიმართა

ტყის საერთაშორისო დღესთან დაკავშირებით, გარემოს დაცვისა და სოფლის მეურნეობის სამინისტროს ველური ბუნების სააგენტოსა და CENN-ის ორგანიზებით, კრწანისის ტყე-პარკში ხის დარგვისა და დასუფთავების აქცია გამართა. ამის შესახებ ინფორმაციას გარემოს დაცვისა და სოფლის მეურნეობის სამინისტროა ავრცელებს.

მათივე ინფორმაციით, ტყე-პარკის ტერიტორიაზე 200 ერთეული წითელი ნუსხის სახეობა, ჭალის მუხის ნერგი დაირგო. ღონისძიება პროექტის „ტყის მდგრადი მართვა სოფლის განვითარებისთვის” ფარგლებში ჩატარდა, რომელსაც CENN და ავსტრიის განვითარების თანამშრომლობა (ADC) ახორციელებენ.

„გარემოს დაცვის და სოფლის მეურნეობის სამინისტრო ტყის საერთაშორისო დღეს კრწანისის ტყე-პარკში აღნიშნავს. სიმბოლურია, რომ ეს დღე სწორედ ტყე-პარკში აღინიშნება, სადაც სამინისტრო ტყის აღდგენის და გამწვანების მნიშვნელოვან ღონისძიებებს ატარებს“, - განაცხადა გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა, რომელმაც დარგვა-დასუფთავების აქციაში მიიღო მონაწილეობა.

CENN-ის აღმასრულებელი დირექტორის, ნანა ჯანაშიას განცხადებით, ტყის საერთაშორისო დღის მთავარი მიზანი ტყის მნიშვნელობის მიმართულებით ცნობიერების ამაღლებაა, რისთვისაც არაერთი გარემოსდაცვითი აქცია იმართება.

"ღონისძიებაში მონაწილეობდნენ გარემოს დაცვისა და სოფლის მეურნეობის სამინისტროს ბიომრავალფეროვნებისა და სატყეო დეპარტამენტი, ეროვნული სატყეო სააგენტო, ავსტრიის განვითარების თანამშრომლობა (ADC), ორგანიზაცია „საბუკო“, გარემოს ახალგაზრდა დამცველები და სხვადასხვა ბიზნესსექტორის წარმომადგენლები.

21 მარტი ტყეების საერთაშორისო დღეა, რომელიც 2012 წლიდან აღინიშნება. წელს ტყის საერთაშორისო დღის აღნიშვნის თემად შერჩეული იყო „ტყეების აღდგენა - გზა კეთილდღეობისთვის”.

აღსანიშნავია, რომ ველური ბუნების სააგენტოს მიერ მასშტაბური სამუშაოების განხორციელების შემდეგ, კრწანისის ტყე-პარკი თავის უმნიშვნელოვანეს ფუნქციას დაიბრუნებს. ტყე-პარკი რეკრეაციული სივრცეა თბილისსა და რუსთავს შორის. პარკში გადაადგილება შესაძლებელი იქნება მხოლოდ ფეხით, ველოსიპედით ან მინი ელექტროავტომობილით“, - ნათქვამია ინფორმაციაში.

იხილეთ ვიდეო:კრწანისის ტყე-პარკში ხის დარგვისა და დასუფთავების აქცია გაიმართა

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე