საპარლამენტო უმრავლესობის წევრის, ბექა ლილუაშვილის განცხადებით, გიორგი გახარიას პოლიტიკაში დარჩენა მისასალმებელია. კითხვაზე, აპირებს თუ არა ის ყოფილ პრემიერთან თანამშრომლობას, ლილუაშვილმა განაცხადა, რომ აღნიშნულთან დაკავშირებით საუბარი არ ყოფილა.

„გიორგი გახარიამ გააკეთა განცხადება და თქვა, რომ რჩება პოლიტიკაში. მე მივესალმები მის პოლიტიკაში დარჩენას”,- განაცხადა ლილუაშვილმა.

ლილუაშვილის თქმით, გახარიასთან გადადგომის შემდეგ კომუნიკაცია ჰქონდა, თუმცა კონსულტაციები - არა.

„კონსულტაციები არ ყოფილა. გიორგი გახარიასთნ შვიდი წელია ვმუშაობ, შესაბამისად კონტაქტი მქონდა გადადგომის მერეც. მასთან კონსულტაციები არ მქონია, მქონდა კონტაქტი”,- განაცხადა ლილუაშვილმა.

ცნობისთვის, ყოფილმა პრემიერ - მინისტრმა, გიორგიმ გახარიამ დღეს განაცხადა, რომ ის პოლიტიკიდან წასვლას არ აპირებს. „არსად წასვლას არ ვაპირებ, უფრო მეტიც, არც პოლიტიკიდან წავალ“, - განაცხადა გიორგი გახარიამ.