მერაბ გაფრინდაშვილი ვაშლიჯვრის ფერდობზე - დამცავი ღონისძიების გასატარებელი პროექტის კორექტირება მოხდება და აღდგენითი სამუშაოები დაიწყება

გარემოს ეროვნული სააგენტოს გეოლოგიის დეპარტამენტის უფროსის, მერაბ გაფრინდაშვილის ინფორმაციით, გუშინ თბილისის მერიაში, სამუშაო ჯგუფის ფარგლებში გამართულ შეხვედრაზე გერმანელმა კოლეგებმა ვაშლიჯვრის ფერდობზე განსახორციელებელი დამცავი ღონისძიების გასატარებელი პროექტის წინასწარი ვარიანტი წარმოადგინეს.

როგორც გაფრინდაშვილმა ჟურნალისტებთან საუბრისას განაცხადა, გუშინდელ შეხვედრაზე აღინიშნა, რომ ქართველი გეოლოგების მიერ გაგზავნილი შეფასება მეწყრის გენეზისის, ტიპისა და საფრთხის შესახებ, გერმანელი კოლეგების დასკვნის იდენტურია.

„გუშინ თბილისის მერიაში, სამუშაო ჯგუფის ფარგლებში შედგა შეხვედრა. ჩვენმა კოლეგებმა წარმოადგინეს დამცავი ღონისძიების გასატარებელი პროექტის წინასწარი ვარიანტი. აღნიშნული იყო, რომ იდენტურია შეფასებითი ნაწილი მეწყრის გენეზისის, ტიპის, საფრთხის შესახებ, რომელიც იყო მიწოდებული ჩვენს მიერ გერმანელი კოლეგებისთვის. ასევე გამოიკვეთა აზრი, რომ გავსულიყავით ადგილზე, იყო ახალი გარემოებები გეოლოგიური თვალსაზრისით, რომელიც უნდა გავითვალისწინოთ. ერთობლივად შევაფასეთ და ამის შემდეგ მოხდება წარმოდგენილი პროექტის მცირედი კორექტირება და დაიწყება აღდგენითი სამუშაოები“, - აღნიშნა მერაბ გაფრინდაშვილმა.

ცნობისთვის, ნუცუბიძისა და ვაშლიჯვრის მიმდებარე ფერდობზე მეწყრული პროცესების გააქტიურების მიზეზების შესასწავლად გერმანელი გეოინჟინრები თბილისში 23 მარტს ჩამოვიდნენ და კვლევის სამუშაოებში ჩაერთვნენ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით