"ნაციონალური მოძრაობა" გელათის რეაბილიტაციის პროცესში საერთაშორისო ექსპერტების ჩართვას ითხოვს. ქუთაისის საკრებულოს ოპოზიციონერი დეპუტატის გიგა შუშანიას განცხადებით, გელათში სამუშაოები შეჩერებულია და ტაძარი საფრთხის ქვეშ არის. მისი თქმით, იმ დროს, როდესაც კულტურის ახალი მინისტრი განსხვავებული აზრის დევნით არის დაკავებული, გელათის უნიკალური ფრესკები ნადგურდება.

გიგა შუშანია ასევე მოითხოვს კულტურის სამინისტრომ გელათის გადარჩენის გეგმა საზოგადოებისთვის გამჭვირვალე გახადოს და პროცესში ჩართული იყვნენ სათანადო კომპეტენციის ადამიანები.

"მაშინ, როდესაც გელათი ნადგურდება, წულუკიანის პრიორიტეტი არის განსხვავებული აზრის დევნა. ჩვენ მოვითხოვთ, რომ სასწრაფოდ მოწვეული იყოს საერთაშორისო ექსპერტები და მოხდეს გასაჯაროება, რა გეგმა გააჩნია ხელისუფლებას გელათის გადასარჩენად. დროულად უნდა დაიდოს გეგმა რას აპირებენ, წინააღმდეგ შემთხვევაში, სავალალო შედეგი დადგება", -განაცხადა გიგა შუშანიამ.