30 მარტს, 07:00 საათიდან 15:00 საათამდე, გარდაბნის მუნიციპალიტეტის ზოგიერთ სოფელს გაზის მიწოდება შეეზღუდება. ამის შესახებ „ინტერპრესნიუსს“შპს „საქართველოს გაზის ტრანსპორტირების კომპანიიდან“ აცნობეს.
მათი ინფორმაციით, მიზეზი მაგისტრალურ გაზსადენზე დაგეგმილი სარემონტო-სარეაბილიტაციო სამუშაოებია.
„შპს „საქართველოს გაზის ტრანსპორტირების კომპანია“, ყაზახ-საგურამოს DN-1000მმ-იან მაგისტრალურ გაზსადენზე, სარემონტო-სარეაბილიტაციო სამუშაოებს განახორციელებს. აღნიშნულიდან გამომდინარე, მიმდინარე წლის 30 მარტს,07:00 საათიდან 15:00 საათამდე, გაზის მიწოდება შეეზღუდებათ, გარდაბნის მუნიციპალიტეტის შემდეგ სოფლებს: ლემშვენიერას, ჯანდარას, ქესალოს, ნაზარლოსა და ვახტანგისს. შპს “საქართველოს გაზის ტრანსპორტირების კომპანია” გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს სისტემატურად ახორციელებს, რაც მომხმარებლების უსაფრთხო, საიმედო და უწყვეტ გაზმომარაგებას უზრუნველყოფს“,-აღნიშნულია ინფორმაციაში.