გიგა ბოკერია - ჩვენ არ გვაქვს მოლოდინი, ჩვენ გვაქვს ამოცანა, რომ ქვეყანას კრიზისიდან გამოსვლა სჭირდება

ჩვენ არ გვაქვს მოლოდინი, ჩვენ გვაქვს ამოცანა, ქვეყანას კრიზისიდან გამოსვლა სჭირდება, - ამის შესახებ „ევროპული საქართველოს“ ერთ-ერთმა ლიდერმა , გიგა ბოკერიამ ჟურნალისტებს განუცხადა.

მისი თქმით, მოლაპარაკებების მაგიდაზე არსებული ექვსივე პუნქტი მნიშვნელოვანია.

„ჩემთვის მნიშვნელობა არ აქვს, რა გზებით გაათავისუფლებს ხელისუფლება ნიკა მელიას, რა გზა იქნება ეს X-ით თუ Y-ით , მნიშვნელობა არ აქვს. ჩვენი პოზიცია წერილში დეტალურად არის მოცემული, რომელიც გამოქვეყნდა. ყველა პუნქტზე, რომელიც, ჩვენი აზრით, მნიშვნელოვანია, ჩვენი აზრი განმარტებულია. ამის შემდეგ არაფერი შეცვლილა არც სააკაშვილის საკითხთან დაკავშირებით და არცერთ სხვა საკითხზე. არ მიმაჩნია მართებულად იმ პოზიციიდან გადახვევა, რომელიც წერილშია მითითებული. ჩვენ არ გვაქვს მოლოდინი, ჩვენ გვაქვს ამოცანა, ქვეყანას კრიზისიდან გამოსვლა სჭირდება და ამას სჭირდება იმ საკითხების მოგვარება, რომელიც არის პრეზიდენტ მიშელის მოხაზულ დოკუმენტში და იმ ფორმით, რა ფორმითაც წერილში გვაქვს მოცემული“,-განაცხადა ბოკერიამ.

მისი შეფასებით, ხელისუფლების რიტორიკა, რომ ვადამდელი არჩევნების საკითხი არ განიხილება, მოლაპარაკებებში ოპტიმიზმის საფუძველს არ იძლევა.

„ამ ადამიანების უპრინციპობას ერთი დადებითი ეფექტი აქვს, მათ სიტყვას არც ცუდს და არც კარგს, გადამწყვეტი მნიშვნელობა არ აქვს, თავისუფლად შეიძლება ხვალ გადათქვან და პირიქით“, - განაცხადა ბოკერიამ.

მან არ გამორიცხა, რომ შესაძლოა, მედიატორების მხრიდან ადეკვატური შემოთავაზება საჭირო გახდეს.

„ვფიქრობ, მედიატორებისგან შესაძლოა ადეკვატური შემოთავაზება საჭირო გახდეს. მოქნილები ვართ, მაგრამ პრინციპულები. სწორედ ამიტომ გამოვაქვეყნეთ წერილი, სადაც ჩვენი მოქნილი, მაგრამ პრინციპული პოზიციაა“,-განაცხადა ბოკერიამ.

ცნობისთვის, ოპოზიციური პარტიები ერთობლივ განცხადებას ავრცელებენ. მასში ნათქვამია, რომ გააზრებული აქვთ შეთანხმების მიღწევის აუცილებლობა საქართველოს დემოკრატიული განვითარებისთვის.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა