ალუდა ღუდუშაური სახელმწიფო დეპარტამენტის ანგარიშზე - შესაძლებელია, ჩვენს პარტნიორებს აშშ-ში ინფორმაცია ან ცალმხრივად ჰქონდათ ან არასრულყოფილად

შესაძლებელია ინფორმაცია ჩვენს პარტნიორებს აშშ-ში ჰქონდათ ან ცალმხრივად ან არასრულყოფილად, - ამის შესახებ საპარლამენტო უმრავლესობის წევრმა ალუდა ღუდუშაურმა ჟურნალისტებთან აშშ-ის სახელმწიფო დეპარტამენტის ანგარიშში გამოთქმულ კრიტიკასთან დაკავშირებით განაცხადა.

აშშ-ის სახელმწიფო დეპარტამენტის ანგარიშის კომენტირებისას, მან ძირითადად, აშშ-ის სენატში ცოტა ხნის წინ გამართული განხილვების დროს გაკეთებულ განცხადებებზე გაამახვილა ყურადღება.

„ანგარიშში შესაძლებელია იყოს კრიტიკული პოზიციაც დაფიქსირებული, ამ ანგარიშში გაცილებით უკანა დროით არის ასახული ფაქტები. თუმცა, ყველაზე მნიშვნელოვანია, რომ ჩვენ ვნახეთ აშშ-ის სენატის საკომიტეტო მოსმენაზე გამოთქმული განცხადებები, რომელიც არის ყურადსაღები და გასათვალისწინებული.

ვფიქრობ, ამოსავალი არის ის, რომ როცა ვსაუბრობთ ანგარიშზე, ბუნებრივია, ეს შესაძლებელია იყოს განპირობებული, რომ ინფორმაცია ჩვენს პარტნიორებს აშშ- ში ჰქონდათ ან ცალმხრივად ან არასრულყოფილად, ხოლო საკომიტეტო მოსმენის დროს მკაფიოდ ვნახეთ, რომ ჩვენმა მეგობრებმა, ამერიკელმა პარტნიორებმა ხაზგასმით აღნიშნეს ის, რომ ყოველი დაკარგული დღე, როცა ოპოზიცია არ ასრულებს მოვალეობას და არ შემოდის პარლამენტში, ეს არის რუსეთის წისქვილზე წყლის დასხმა, ასევე მკაფიოდ ითქვა, რომ ბატონმა მელიამ დაარღვია კანონი,"- განაცხადა ღუდუშაურმა.

კითხვაზე, რატომ ჰქონდათ სახელმწიფო დეპარტამენტს „ცალმხრივი ინფორმაცია" და აქვს თუ არა კომუნიკაციის პრობლემა მმართველ გუნდს, ღუდუშაური აცხადებს, რომ ის საუბრობს დეპარტამენტისთვის სხვადასხვა არხებით მიწოდებულ ინფორმაციაზე, რომელიც მისი აზრით ხშირ შემთხვევაში არაობიექტურია და აქვე აცხადებს, რომ სენატში გამოთქმული მოსაზრებებია ყურადსაღები.

„თქვენ ეს შთაბეჭდილება არ უნდა დაგრჩენოდათ, კომუნიკაცია არ ხდება ერთი არხით, ხდება სხვადასხვა საშუალებებით და ინფორმაცია შეიძლება მიწოდებული იყოს სხვადასხვა არხით და იყოს ხშირ შემთხვევაში არაობიექტური. ამაზე ვსაუბრობდი. ამიტომ როცა საკომიტეტო მოსმენის დროს ვიხილეთ შეფასებები, ეს არის ოფიციალური შეფასებები და ეს არის ყურადსაღები,"- განაცხადა ღუდუშაურმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში